Животна училница // Приказни

Надежта умира последна: Мајка со две деца спасена од урнатините по 228 часа

  • 16 Февруари, 2023

Добивај вести на Viber

Десетти ден по разорните земјотреси кои погодија делови од Турција и Сирија, а надежта за пронаоѓање преживеани во урнатините секојдневно се намалува. Сепак, дури и кога надежта истекува, чуда се случуваат. Благодарение на натчовечките напори на спасувачките и волонтерски тимови кои деноноќно ги пребаруваат урнатите згради во подрачјата погодени од земјотресот, и денеска се спасени неколку животи. По 77-годишната жена, која беше спасена по повеќе од 220 часа под урнатините, светлината на денот ја видоа и мајка и две деца.


Збунетата жена ги прашала своите спасувачи „Кој ден е денес? откако таа и нејзините две деца беа извлечени од урнатините во Антакија и 228 часа по разорниот земјотрес, а локалните медиуми спасувањето го нарекоа чудо.

Повеќе од девет дена по силниот земјотрес што ги погоди Турција и Сирија, спасувачите сè уште прават натчовечки напори, ги пребаруваат урнатините за преживеани, пркосејќи им на предвидувањата дека времето за преживување е завршено.

Членот на спасувачката екипа Мехмет Ериилмаз го опиша моментот кога ги нашле мајката и нејзините две деца и ги извлекле на слобода.


„Мајката беше среќна што не виде. Прво ја држев за рака. Разговаравме и ја смиривме“, изјави тој за Анадолија, додавајќи дека мајката прво побарала вода, но дека поради околностите не смееле да направат ништо без интервенција на прва помош. Потоа ги прашала своите спасители: „Кој ден е денес?

Спасената жена се вика Ела и има две деца, девојче и момче, кои заедно со неа биле извлечени од урнатините. Анадолија извести дека се работи за странска државјанка, но не ја наведоа нејзината националност.

Претходно, тимови во јужна Турција соопштија дека сè уште може да ги слушнат гласовите на преживеаните заробени во урнатините.


ФОТО: Твитер screenshot

Можеби ќе ве интересира