Најгрдите влечки ги рушат сите рекорди - ги носат и милионери и бездомници: Синоним за удобно и кул, но имаат дискутабилна естетика
Фото: @karodall
И покрај фактот што малкумина го очекуваа тоа и ги презираа - крокс сепак некако преживуваат на модното небо, тие се дури и неверојатно барани. Се чини дека пандемијата на корона вирусот придонесе за зголемување на побарувачката за овие удобни чевли, а нивната доминација од 2020 и 2021 година се пресели и во тековната година.
Модните експерти тврдат дека крокс ќе носат сите оваа сезона - познати личности, инфлуенсери, блогерки, трендсетерки и навистина - само погледнете низ модните портали или на „Instagram“ и „Pinterest“ и ќе забележите дека љубителите на модата ги носат овие гумени влечки насекаде.
И на минатогодишното доделување на Оскарите, музичарот Квестлав се појави во златни крокс влечки! Ексцентрично, без прашање, но уште еден доказ колку овој тип на обувки стана прашање на престиж.
Исто така, компанијата која ги произведува овие чевли заработила рекордни 2,3 милијарди долари во 2021 година и ги зголемила приходите за 67 отсто, а сето тоа во пакет јасно покажува дека се во тренд и дека некои луѓе едноставно ги сакаат.
Извештајот од платформата „Lyst“, модната верзија на „Google“, сведочи дека тие се најдоа на листата на 10 најбарани предмети минатата година. На месечно ниво, на оваа платформа биле пребарувани 135 илјади пати!
Сакале или не, од овој тренд не можете да избегате - крокс се насекаде, а покрај тоа што полека ни се враќа елегантната и секси мода, јасно е дека модните блогерки се обидуваат некако да ги вклучат овие чевли во своите шик тоалети. Затоа, не треба да ве чудат комбинациите на романтични фустани и здолништа со крокс, кои сега се достапни во десетици различни бои и со додатоци во вид на интересни, шарени налепници или циркони.
Ги носат и познатите - Рејчел Билсон, Аријана Гранде, Карди Би, Руби Роуз, Адам Сендлер, Дру Баримор, Џастин Бибер, а Бибер дури ѝ ги испратил на подарок на Викторија Бекам!
Инаку, брендот на гумени влечки е создаден во 2002 година исклучиво како пофункционална и поудобна верзија на кломпи, односно обувки за персоналот на бродот, работниците во здравствениот сектор и генерално оние кои го поминуваат целиот ден на нозе.
Но, денешната мода сè почесто флертува со грди парчиња кои се проследени со омразени коментари и очигледно успева да ги помести границите и некако сè што е грдо добива статус на пожелно.
„Ми се допаѓа што се малку чудни и што некој ќе ги доживее како грди. Имаат многу наивен, детски изглед, што ми се допаѓа“, изјави во 2017 година шкотскиот дизајнер Кристофер Кејн, кој ги вклучи во својата колекција.
Извор: zena.blic.rs
