Најубавата љубовна приказна во Холивуд: Се чекаа речиси 20 години, а потоа се случи чудо

Тие му покажаа на светот дека љубовта е непредвидлива, полна со пресврти и неочекувани моменти. По долгогодишно пријателство, актерската двојка живее своја бајка.

Актерите Даниел Крег и Рејчел Вајс се сретнаа со Сесад во 1992 година, во лондонското Национално театарско студио. Сепак, нивната врска беше строго деловна, која со текот на годините прерасна во пријателство. 

Во раните деведесетти, во времето кога ја запозна Рејчел, Крег беше оженет со шкотската актерка Фиона Лондон, со која ја имаше ќерката Ела, но се разведе од неа во 1994 година. Што се однесува до Рејчел, таа помина девет години со режисерот Дарен Аронофски, со кого го доби  синот Хенри во 2006 година, а потоа се разделија во 2010 година.

Токму таа година, тие имаа можност да ја покажат хемијата што ги спојува за филмот на Џин Шеридан „House of Dreams“. А во тоа време актерот раскина со својата вереница Сацуки Мичел, позната продуцентка, за во 2011 година да се појави веста дека Даниел Крег и Рејчел Вајс се венчале!

Тие го кажаа судбоносното „да“ далеку од родната Англија, во Њујорк, и се одлучија за мала, интимна венчавка на која присуствуваа само сведоци и нивните деца од претходните бракови. Како што објасни актерот, се поминало толку тивко затоа што „не сакале да ги расипат работите“, а на ист начин го продолжиле заедничкиот живот – затскриено и далеку од камерите. 

На лудиот камен застанале кога Рејчел имала 48 години, а Крег 50, па многумина биле изненадени од веста дека актерката е во друга состојба.

– Јас и Даниел сме многу среќни! Ќе имаме мало човечко суштество... – изјави таа за NY Times. - Едвај чекаме да се сретнеме со неа или со него. Сето тоа е толку мистериозно!

Нивната ќерка Грејс, чие име со години успеваа да го сокријат од јавноста, се роди во 2018 година, а актерката долго време зборуваше за тоа дека сака уште едно дете.

-Кога го родив синот бев сигурна дека ќе имам уште најмалку две деца. Сега, откако добив ќерка на оваа возраст, знам дека нема да имам повеќе деца. Ја поминав старосната граница за проширување на семејството – истакнала Рејчел во интервју по породувањето и нагласила дека нејзиното второ дете е „благослов и чудо“.

Вајс признала дека, иако сакала, немала поим дека ќе стане мајка во доцните четириесетти години, ниту пак верувала дека повторно ќе застане пред матичар, додека не се заљубила во својот долгогодишен пријател Крег. 

- Мислев дека никогаш нема да се омажам, тоа е факт. Никогаш немав такви амбиции, всушност беше спротивно. Не можев да се поврзам ни со романтични комедии каде бракот е поентата на приказната. Но, тогаш, за среќа, тоа само се случи во позрел момент од мојот живот – објаснила актерката.

Таа додаде дека не сака да зборува за нејзиниот брак бидејќи се работи за љубов која „штотуку се случила“ и единственото нешто што ги разликува од другите среќни парови е тоа што се познати личности. 

- Мислам дека нашата врска не се разликува многу од другите. Ние сме само под очите на јавноста – нагласи таа.

Како што додаде таа, тие најчесто зборуваат за филмови и претстави, а често одат заедно во театар и потоа ги дискутираат.

Фото: Youtube - screenshoot