Најубавата жена во светот протестира против насилството во Палестина: Бела Хадид непрепознатлива во етно облеката
- Да се биде близу до толку убави, паметни, почитувани, драги, qубезни и дарежливи Палестинци на едно место, носи чувство на целосност! - порача Бела
Познатата манекенка и една од најубавите жени на светот, Бела Хадид, со палестинско потекло, беше на протестот во Њујорк, против насилството кое деновиве се случува во Палестина.
Малкумина ја препознаа манекенката во толпата, таа беше во традиционална палестинска облека, со традиционален шал на главата и над устата, и го вееше нивното знаме.
Таткото на Бела, Мухамед е од Палестина, а на својот Инстаграм профил сподели снимки од протестот, врз основа на кои многумина дознаа дека таа е меѓу стотици луѓе.
- Начинот на кој се чувствува моето срце ... Да се биде близу до толку убави, паметни, почитувани, драги, љубезни и дарежливи Палестинци на едно место носи чувство на целосност! Ние сме ретка раса! - напиша манекенката.
Претходно, Бела објави фотографија од венчавката на нејзините баби и дедовци, со слика на нивните деца, вклучувајќи го и таткото на Бела.
Манекенката објави и снимки од нејзиниот плач, и напиша дека чувствува длабока болка поради Палестина и „нејзините браќа и сестри Палестинци, денес и секој ден“ и дека снимките од насилството „го кршат нејзиното срце на 100 различни делови“.
На нејзиниот профил можете да најдете и фотографија од пред 4 години, на која Бела носи транспарент „Слободна Палестина“, а во чиј опис повикува на едукација за настаните во Ерусалим.
Извор: телеграф.рс
