Наскоро на екраните, филм за херојот на Холокаустот кој спаси 669 деца од нацистите: Сер Ентони Хопкинс ќе го игра ликот на Николас Винтон

Добивај вести на Viber

Ентони Хопкинс треба да го игра херојот на Холокаустот кој се нарекува Британецот Шиндлер. Во 1939 година, младиот англиски брокер, Николас Винтон, помогна да се спасат 669 еврејски деца од окупирана Чехословачка во пресрет на Втората светска војна.

Винтон слушнал за Kindertransport кој спасил германски и австриски еврејски деца и ги довел на безбедно во Велика Британија и решил да организира слична операција за спасување на децата од Чехословачка. На 14 март 1939 година, првиот транспорт на деца во неговата организација тргна од Прага со авион за Лондон. Собрал пари за да го финансира патувањето и исто така нашол британски згрижувачки семејства за деца бегалци.

Винтон организирал уште седум спасувачки мисии кои отидоа со железница од Прага и преку Германија до брегот на Атлантикот, а потоа со брод преку Ла Манш до Велика Британија. На 2 август 1939 година, последниот воз полн со деца тргна од Прага.

По војната, спасувачките напори на Винтон останаа главно непознати. Беше прогонуван од оние што не можеше да ги спаси и ретко зборуваше за тоа. Во 1989 година се емитуваше епизода од „Тоа е животот“ во која Винтон запознал некои од децата што успеал да ги спаси.

За време на директниот пренос на Би-Би-Си, водителката Естер Рантзен ја праша публиката во студиото дали некој од нив му го должи животот на Николас Винтон. Тој бил шокиран кога возрасните кои седеле околу него станале. Имено, тоа биле децата кои ги спасил пред 50 години.

Приказната на Винтон наскоро ќе заврши на екранот. Филмот насловен „One life“ е адаптација на книгата „If It's Not Impossible... The Life of Sir Nicholas Winton“ од 2014 година, напишана од неговата ќерка Барбара.

Сер Ентони Хопкинс и Џони Флин го играат Николас Винтон во различни фази од неговиот живот, додека Хелена Бонам-Картер ја игра мајката на Винтон. Во актерската екипа се и Џонатан Прајс, Лена Олин, Ромола Гараи и Алекс Шарп.

Сер Николас Винтон почина во јули 2015 година. Имаше 106 години.