„Ова не може да биде случајно“: Камила на крунисувањето на Чарлс ќе ѝ го зададе последниот удар на покојната Дајана
Кралицата-сопруга Камила (75), жената на кралот Чарлс Трети, официјално ќе ја преземе титулата на 6 мај, кога нејзиниот сопруг доживотно ќе биде официјално крунисан во Вестминстерската опатија.
Сѐ уште се шпекулира со деталите од оваа церемонија, а познато е дека Камила најверојатно нема да носи круна со познатиот дијамант Кох-и-Нур поради почит кон Индија, од каде што потекнува овој скапоцен камен.
Сега е откриено кој е задолжен за модната комбинација на кралицата, а таа информација ги изненади Британците бидејќи се работи за Брус Олдфилд (72), дизајнер кој е најпознат по пријателството со – принцезата Дијана!
А, и врапчињата на гранките веќе ја знаат приказната како Чарлс ја изневерувал Дајана со Камила од самиот почеток на нивниот брак и колку била несреќна покојната принцеза од Велс, па нејзините обожаватели се огорчени.
#ThrowbackThursday with the beautiful princess Diana and the talented Bruce Oldfield,we are both wearing his frocks pic.twitter.com/4iPNpYE6fR
Сепак, за познавачите ова не е големо изненадување бидејќи денешната сопруга на Чарлс и Олдфилд соработуваат десет години и тој стои зад нејзините комбинации за најважните прилики. Покрај тоа, тие изградиле пријателски односи.
- Камила има многу блиско пријателство со Брус, кое трае долги години, па ова е природен и очигледен избор. Камила му верува на Брус бидејќи тој навистина се покажал кога се во прашање фустаните за настаните кои ѝ биле најважни – изјавил за The Sun извор близок до Бакингемската палата.
Брус Олдфид дизајнираше некои од најпознатите фустани на принцезата Дијана кога се зближија во 1980-тите. Затоа, реакциите на британската јавност на оваа вест не се големи.
Princess Diana at the Bruce Oldfield fashion show in aid of Dr Barnardos March 1985! pic.twitter.com/GedVSdjqRU
— Diana moments (@AlwaysbeDiana) March 21, 2023
„Има ли нешто од Дијана што оваа жена не го сака?“, „Од илјадници луѓе во модната индустрија, само тој, нималку проѕирен“, „Нема срам“, „Камила ѝ го украде дизајнерот на Дијана и сè уште секогаш изгледа погубно“... се некои од коментарите.
Во 21 век, Олдфилд соработуваше со широк спектар на ѕвезди, вклучувајќи ги Ким Кардашијан, Ријана и Тејлор Свифт. Тој ја дизајнираше и венчаницата на кралицата Ранија од Јордан, а важи за еден од најпочитуваните во светот на модата. Инаку, тој е син на Иркиња и Јамајканец, а се заљуби во модата уште од мали нозе, кога правел фустани за куклата на сестра му.
ФОТО: Твитер/Инстаграм
