Ова се најчестите имиња кои родителите им ги давале на бебињата во Македонија лани: Едно е со убедливо водство
Ако се прашувате кои се најчестите имиња кои родителите им ги давале на бебињата во 2021 година, одоговорот го најдовме во публикацијата „Северна Македонија во бројки“ која денес ја објави Државниот завод за статистика.
Според виталната статистика, минатата година се родиле 18.648 живородени бебиња, од кои 9.531 машки и 9.117 женски.
Како најчести 20 имиња пак, десет машки и десет женски, со убедливо водство е Лука - 213 родители си го крстиле детето со тоа име, а Јана и Софија пак го делат првото место како најчести женски имиња.
Топ пет најпопуларни имиња за момчиња се Лука, Дамјан, Михаил, Марко и Јован. Додека за девојчиња најпопуларни се имињата Јана, Софија, Ана, Мила и Хана.
Општиот заклучок е дека родителите обично се трудат на своите деца да им дадат што е можно пократки имиња, кои со себе носат убаво значење и симболика, а истовремено се и модерни.
фото:unsplash
