Оваа 106-годишна дама штотуку стана најстарата жена на насловната на „Вог“: Фотографиите се волшебни, како и нејзината животна приказна
106-годишна жена ја краси насловната страница на априлското издание на филипинското издание на Vogue! На насловната страница е Апо Ванг-Од, позната и како Марија Огеи, жена од домородното племе Калинга.
Апо, од малото планинско село Бускала, се смета за најстар мамбабаток на Филипините, што е термин за традиционален тату мајстор. Таа стана позната по совладувањето и усовршувањето на техниката на тетовирање „баток“ стара 1.000 години, која вклучува цртање со саѓи и остар стап. Почнала да го учи овој метод како тинејџерка - имала само 16 години кога татко и почнал да ја тренира.
„Апо Марија „Ванг-Од“ Огај ја симболизира силата и убавината на филипинскиот дух. Таа е последниот мамбабаток на нејзината генерација, таа ги втисна на кожата на илјадници и илјадници луѓе кои го посетија Бускалан симболите на племето Калинга што стојат за сила, храброст и убавина“, наведува „Вог“ на социјалните мрежи.
Нејзините уметнички дела на човечкото тело доведоа до бран туризам на Филипините; луѓе од целиот свет ја посетуваат за да ја направат една од нејзините легендарни тетоважи.
Интересно е што методот „баток“ може да се пренесе само на крвни сродници, а оваа 106-годишна жена своето знаење им го дала на своите внуки Елјанг и Грејс.
„Сите мои пријатели кои се занимава со тетовирање починаа. Јас сум единствената жива и сѐ уште тетовирам. Но, не се плашам дека ќе се прекине традицијата бидејќи ги тренирам следните тату мајстори. Традицијата ќе живее се додека има луѓе кои доаѓаат. Се додека гледам добро, ќе продолжам да тетовирам. Ќе престанам кога видот ќе ми се замати“, изјавила оваа старица во 2017 година.
Да потсетиме дека претходно рекордот за најстара дама на насловната страница на „Вог“ го држеше актерката Џуди Денч која имаше 85 години кога се фотографираше за насловната страница на британското издание на овој магазин.
Foto: voguephilippines / Instagram
