Пет фризури за новогодишната ноќ кои го издолжуваат лицето: Ќе изгледате ем тренди, ем послаби ВИДЕО

Ова се едноставни фризури за сите прилики кои го прават лицето да изгледа поиздолжено и послабо

Не сите од нас имаат лице создадено за експериментирање со фризури. Некој нема доволно симетрично лице, некој не е задоволен од неговата форма, некој има поголеми образи отколку што би сакале и тоа е сосема во ред.

Фризерите велат дека постојат барем неколку совршени фризури за секого, а тие можат да бидат наше тајно оружје за да бидеме задоволни со нашиот изглед и лице. Постојат и многу начини за обликување на косата, благодарение на кои образите изгледаат помали, а лицето поиздолжено, а ова се само некои од нив.

Богата пунџа во балерина стил

Иако изгледа погрешно, високо кренатат коса, и покрај тоа што целосно го отвора лицето, ќе го затегне и ќе направи тркалезното лице да изгледа позашилено.

Ова е особено случај со пунџи како оние што ги носат балерините, богати и полни со волумен, кои ќе го привлечат вниманието нагоре и визуелно ќе ве издолжат.

Ниска пунџа

Оваа фризура функционира како вистинска мала романтична рамка за лицето, го омекнува, дава сенки и создава илузија на острина, па образите паѓаат во втор план.

Започнете со врзување на ниско и лабаво опавче, а потоа формирајте го во пунџа, а ќе ви помогнат и неколку прамении што ќе паѓаат по лицето.

Странична плетенка

Ако ги сакате долгите плетенки, онаа што паѓа преку едно рамо, оваа фризура може да ви стане една од омилените. Добрата вест е дека овој стил може целосно да го трансформира вашиот изглед, и додека го отвора вашето лице, го префрла фокусот на вашата коса.

Ова е особено случај со плетенки кои се лабави, раширени и богати, со интересни детали како машнички, мониста, прамени.

Пуштени бранови

Понекогаш едноставноста е најдобриот одговор, а долгата коса која е прекршена така што брановира паѓа и дава дополнителен волумен. Фризерите советуваат брановите да започнуваат веднаш под брадата, што визуелно го прави лицето подолго.

Шишки залижани на страна

Омилен детаљ кога се во прашање фризурите најчесто се шишките со кои е важно секогаш да бидете внимателни. Доколку имате тркалезно лице и истакнати образи, најдобро е да избегнувате прави шишки и да изберете асиметрични, завеса шишки и слични варијанти.

Сепак, малку е познато дека едноставните странични шишки можат да направат лицето да изгледа структурирано, поостро и потесно, а особено добро функционираат кога се комбинираат со опавче.

Foto: screenshot