Животна училница // Приказни

„Подарено од срце“: Белата куќа за прв пат новогодишно ја накити Џил Бајден- за магијата и беа потребни 10.000 украси и 80.000 светилки

30 Ноември, 2021

Белата куќа во Вашингтон, домот на претседателското семејство, традиционално е уредена и подготвена за најсреќниот период од годината

Првата дама на САД Џил Бајден откри како ја украсила Белата куќа за божиќните и новогодишните празници.

Во ходниците и просториите на Белата куќа се наоѓаат бројни новогодишни елки, украсени со мотиви кои потсетуваат на најсреќниот празник во годината.

Темата на првиот Божиќ на семејството Бајден во Белата куќа е „Подароци од срце“.

Првата дама на својот официјален Твитер профил објави фотографија од официјалната елка на Белата куќа, која се наоѓа во Сината соба.

- Инспирирани од дела на љубезност и искуства кои ни го подигнаа расположението оваа година, украсените простории во Белата куќа одразуваат подароци од срце кои не обединуваат сите: вера, семејство, пријателство, уметност, учење, природа, благодарност, услуга, заедница, мир и единство – напиша Џил Бајден.

Inspired by the acts of kindness and experiences that lifted our spirits this year, decorated rooms in the White House reflect the Gifts from the Heart that unite us all: faith, family, friendship, the arts, learning, nature, gratitude, service, community, peace, and unity. pic.twitter.com/fsaYFthIqH
— Jill Biden (@FLOTUS) November 29, 2021

Меѓу украсите е и џиновската Бела куќа, која им оддава почит на работниците од првата линија кои истрајаа низ пандемијата на корона вирусот, додека официјалната елка висока 5,5 метри ги слави даровите на мирот и единството, соопшти Белата куќа.

Северната и јужната страна на зградата се украсени со 25 венци, а речиси 79.000 светилки осветлуваат новогодишни елки, венци и други празнични украси.

На едно од дрвјата се пронајдени необични и интересни украси.

Како што можете да видите на фотографиите, таа ја красат и фотографии од претходните жители на Белата куќа, па покрај сликата на Џо и Џил Бајден, има и фотографии од Барак и Мишел Обама, како и од Доналд и Меланија Трамп.