Подароци за него – што да му подарите на вашиот сакан за Денот на вљубените?

Добивај вести на Viber

Денот на вљубените е совршена можност да му покажете на вашиот партнер колку ви значи, особено ако вашата наклонетост ја изразите со подарок што совршено го одразува неговиот стил. Секому е потребно внимание, а вашето момче или сопруг, сигурно, ќе биде среќно ако се потрудите да одберете подарок што ќе му се допадне.

Овој период на пазарот има огромна понуда подароци за него. Треба од големата понуда да го пронајдете идеалениот подарок, а ако не знаете што да биде тоа, само помислете што е тоашто,навистина, ќе го направи среќен? Доколку немате идеја што можете да му подарите, погледнете ги нашите предлози и пронајдете инспирација.

Подароци за момци со авантуристички дух

Вашето момче има активен стил на живот и страст за авантура? Тогаш изненадете го со подарок што ќе го поддржи во неговите замисли. Ако сака кампување и викендот да го поминува на отворено, сигурно ќе го освоите неговото срце со квалитетна опрема за кампување како шатор, вреќа за спиење, компактен шпорет, мини-фрижидер или садови за готвење што се склопуваат.

Ова се практични предмети што го прават кампувањето поедноставно и поудобно, па сигурно ќе бидат ценети од вистинските авантуристи. Ако е љубител на хајкинг и планинарење, можете да му одберете квалитетен и издржлив ранец, опрема за планинарење или водоотпорна јакна.

Подарете му нега на вашиот сакан

И момците сакаат да се дотеруваат, а ако вашето момче се гордее со својот изглед, тогаш сигурно ќе биде среќно доколку го изненадите со комплет за бричење. Неговата утринска рутина, сигурно, ќе му стане поинтересна ако има комплет што вклучува квалитетен брич, тример за брада, ножици, пена и масло за брада.

Овие комплети често се достапни во стилски и компактни торбички, што ги прави погодни за патување или секојдневна употреба. Маслото за брада ги одржува влакната на лицето меки и дава пријатен мирис, кој додава дополнителен допир на софистицираност.

За мажи што ја ценат прецизноста, размислете за комплет за бричење со алатки што се приспособуваат со кои без напор може да експериментира со различни стилови.

Без разлика дали вашето момче негува трендовска брада или претпочита мазен изглед, внимателно обработениот комплет за дотерување е практичен и внимателен подарок што покажува дека ја цените неговата посветеност на личната нега и стил.

Спомени и незаборавни искуства

Подароците што може да ги спакувате со панделка оставаат впечаток, но тоа што, навистина, останува се спомените и искуствата што ги имаме заедно со нашите партнери.

Овој Валентин можете да го однесете вашето момче на некоја сосема неочекувана локација или настан на кој секогаш посакувал да оди, но немал можност да присуствува.

Има многу студија за масажа што нудат масажа за двојки, како и спа-центри каде што ќе можете целосно да се опуштите. Разгледајте ги настаните во градот во овој период и купете карта за концерт, театар, балет, опера, кино или некој друг настан во кој ќе уживате и двајцата.

Доколку вашето момче преферира да го прославува Свети Трифун место популарниот Ден на вљубените, тогаш сигурно ќе го освоите ако организирате тура низ некоја пиварница или винарија. Дегустирајте локални вина или пива направени на различни места во нашата земја.

Практични подароци за тренинг

Вашето момче е опседнато со теретана и сака да постигне совршена форма? Поддржете го во неговите соништа и подарете му суплементи и протеини, кои ќе му помогнат да ги постигне посакуваните резултати.

Во онлајн продавниците ќе најдете одлична понуда на практични подароци за теретана, а изборот е голем. Одберете едноставен и практичен ранец или торба за во теретана, едноставна и лесна облека за вежбање, како маици и шорцеви.

Ако постојано истакнува колку сака да спортува, но времето и обврските не му го дозволуваат тоа, тогаш може да го инспирирате да направи услови за вежбање во неговиот дом. Неколку тегови и едно вратило се сосема доволно за да почне да спортува дома.

Кул гаџети за момци што сакаат технологија

Размислете и одберете практичен и кул гаџет кој можеби, веќе сте слушнале во разговорите со него. Разгледајте ја онлајн понудата на гаџети и одлучете се за некои од најновите модели на безжични слушалки, звучници или смарт часовници, кои се исклучително практични и ќе изгледаат прекрасно на раката на вашиот партнер.

Размислете за желбите и за стилот на вашето момче и како сака да го поминува слободното време, па така најлесно ќе го одберете вистинскиот подарок за него. Поминете го овој Валентин со саканите и, освен подарок, не заборавајте ги и убавите зборови за да создадете мигови што ќе се паметат.