Поради љубов, остави сè, ја напушти Србија и се откажа од актерството: Животната приказна на познатата Марија од „Жикина династија“

Добивај вести на Viber

Ѝ претстоеше одлична кариера, но сепак избра љубов ...

Актерката Ријалда Кадриќ, позната по улогата на Марија од „Жикина династија“, почина ненадејно вчера на 57-годишна возраст во Атина, каде живееше во последно време, потврди нејзиниот пријател за српски Курир.

Родена е на 14 јуни 1963 година во Белград. Живееше и работеше како психотерапевт во Лондон од средината на 80-тите години на минатиот век.

Популарноста ја стекна кога имаше само 14 години, глумејќи во серијата „Луди години“. Марија Тодоровиќ, подоцна Павловиќ играше вкупно осум пати. Одигра уште неколку помали улоги, а во раните 90-ти се откажа од глумата иако и се претстоеше успешна кариера.

Таа се пресели во Лондон каде што прво работела како новинар, а подоцна се специјализирала во психоанализата.

Детство

До својата шестгодишна возраст, таа со родителите живеела во улицата пролетерски бригади, спроти Музејот на Никола Тесла. Потоа се преселиле на улицата „Народен Фронт“, каде живеела со нејзините родители и баба додека не заминала за Лондон. Учела во основното училиште „Исидора Секулиќ“ и била член на Драмската секција на Радио Белград. Имала само 13 години кога го снимила својот прв филм. По завршувањето на средното училиште, и пред да се запише на колеџ, таа поминала еден месец во Париз. 

Актерска кариера

Како член на Драмската секција на Радио Белград, го стекнала своето прво искуство за глума како девојче. А, во 1976 година за прв пат се појави во филм. Следната година, Ријалда го сними филмот „Луди години“ со одлична екипа. Иако режисерот планирал да биде еден филм, големиот интерес на публиката и продукцијата го натерало да снима продолженија.

Во партизанскиот филм „Двобој за јужната железница“ од 1978 година, Ријалда глумеше млад партизан. Режисерот Здравко Велимировиќ ја обедини со Хидра, а на младата актерка имала можност да учи од искусни колеги како што е Радмила Савичевиќ.

Новинарска кариера и патување во Лондон

По завршувањето на средното училиште, Ријалда Кадриќ се запишала на студии за светска литература во Белград. Со цел да ги подобри своите вештини на англиски јазик, во 1984 година таа за прв пат престојувала во Лондон. Патувањето повторно ја однело во главниот град на Англија, две години подоцна, но тогаш таа остана повеќе од 30 години. Се вработи таму и се омажи, а поради таа љубов беше подготвена да остави сè, да ја напушти Србија засекогаш и да се откаже од својата актерска кариера.

Таа најпрво од Англија работела како колумнист, пишувала радиоколумни за Лондон за Радио Белград и Третиот канал на Радио телевизија на Србија. Тоа, според неа, и помогнало да преживее напуштајќи го Белград и да ги прифати новите средини, луѓе и околности, да ги сподели со луѓето и да ги почувствува нивните реакции. Со распадот на Југославија и почетокот на крвавиот конфликт, интересите на слушателите се сменија, па Кадриќ работеше како репортер и известувач. Некое време, таа работела со скратено работно време на телевизиската мрежа Би-Би-Си, а потоа и како известувач на Гласот на Америка во Вашингтон. Во 1999 година се вратила во Лондон. Како новинар работеше до 2000 година.

Бидејќи на крајот се заинтересирала за психоанализа, посетувала разни обуки во образовните институции во Лондон. За да може да најде работа, таа завршила егзистенцијално-феноменолошка терапија. Во октомври 2006 година, таа се здобила со титула психотерапевт.

Фото: Youtube/printscreen/bekir beko demirovic/RTS Zabava - Zvanični kanal