Принцот Хари наполни 40 години: Кралското семејство му го честиташе роденденот на социјалните мрежи, а вака брат му Вилијам
Иако е далеку од кралското семејство Принцот Хари доби честитка за 40-тиот роденден, дури и од неговиот брат
Британското кралско семејство вчера (15.09) му го честиташе 40-тиот роденден на принцот Хари, првпат од 2021 година.
Роденденската честитка беше испратена од официјалниот профил на Бакингемската палата на социјалните мрежи, иако не беше потпишан од кралот Чарлс.
Wishing The Duke of Sussex a very happy 40th birthday today! pic.twitter.com/sAlSiV9EaZ
— The Royal Family (@RoyalFamily) September 15, 2024
Истата порака беше објавена неколку часа подоцна на официјалната сметка на принцот Вилијам и принцезата Кејт, пренесува BFM, шпекулирајќи дека тоа би можело да биде навестување за „затоплување“ на односите меѓу принцот Хари и кралското семејство.
Во последните три години нема роденденски честитки за принцот Хари на ниту една сметка на членовите на кралското семејство, забележува француската телевизија.
Принцот Хари го слави својот 40-ти роденден со децата и сопругата Меган во Калифорнија, далеку од Велика Британија и кралското семејство.
Во 2020 година, Хари и Меган се откажаа од своите кралски должности и се преселија во Калифорнија.
Фото: Youtube - screenshoot/„Х“
