Првиот снег во Македонија - Водно, Кратово, Радовиш, еве какво време не очекува (ВИДЕО)

Добивај вести на Viber

Пристигна првиот снег во Македонија. Повеќе граѓани од различни локации во земјава споделуваат снимки од првиот снег кој ја зафати нашата земја.

Не станува збор за обилни падавини, но сепак, се забележува забелување на дворовите на граѓантие кои ги споделија своите утрински снимки на Фејсбук. 

Дел од убавините може да видите на следниов линк.

Видео од снегот во Кратово објави нашиот метеопрогнозер Славчо Поповски:


Како што најавуваат од Управата за хидрометеоролошки работи денеска времето ќе биде променливо облачно со сончеви периоди. Наместа ќе има услови за повремен слаб дожд, а на повисоките планини и особено од вечерните часови со појава на повремен снег. 

Ќе дува слаб до умерен ветер од северен правец. Минималната температура ќе биде во интервал од -5 до 4, а максималната од 7 до 14 степени.


Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до -3, а максималната ќе достигне до 13 степени.

Следува период на променливо облачно и постудено време, до четврток со повремени локални врнежи од дожд, а на повисоките планини особено во ноќта кон вторник ќе има услови за појава на повремен снег.

Фото: Славчо Попоски/ Фејсбук
Извор: Фактор