Самиот чин на неверство не е страшен, ова е многу полошо“ : Психологот Лабковски со изјава за неверството на која му се чудат многумина

Рускиот психолог Михаил Лабковски е познат по своите груби ставови, погледи на животот и реалните проблеми, но и по советите како да се надминат овие ситуации на најкоректен можен начин. Овој пат се осврна на неверството.

Најголемото искушение во животот, изгледа во последно време, е да се биде искрен, да се соочи со вистината и проблемот, а најмногу, би се рекло, да се остане верен во врска или брак. Достапните луѓе кои се подготвени да го изневерат партнерот со зафатена личност се на еден „клик“, па искушението расте. Психологот посебно се осврна на девојките кои бркаат оженети мажи ѝ им порача дека нема да бидат наследнички на нивните сопруги, туку исклучиво девојки за забава, експериментирање и остварување фантазии.

„Никогаш не треба да се дружите со женети. Риба се продава на рибник, месо во месарница. Не губете време. На оженет маж не му треба жена, ја има дома“, советува психологот.

За жал, многу девојки имаат големи очекувања кога станува збор за каква било врска со оженет маж. Има лажна надеж, се надеваат дека од втората позиција ќе се искачат на првата, но иако тоа понекогаш се случува, тие наскоро повторно ќе паднат на листата, бидејќи кој еднаш ја изневерил сопругата, повторно ќе изневерува. И тој со онаа со која ја изневерил.

Од друга страна, кога станува збор за мажи кои се согласуваат на паралелна врска, ставот на психологот е јасен дека секогаш прво треба да се заврши и дури потоа да се влезе во нова приказна. Зашто, како што вели, љубовта е искреност, измамата е лажењето. А зошто лажеш? Ако чувствуваме дека повеќе не ни се допаѓа врската со некого, дека страста, па дури и љубовта изумреле, дека сме желни за промени, експериментирање, тогаш зошто да ја кинеме другата страна, да ја лажеме и да ја завлекуваме?

На мажите им треба жена со карактер

Михаил Лабковски понатаму смета дека постои тип на жена која долгорочно може да го задржи мажот, но мора да ги краси една силна особина.

„На мажите никогаш не им досадуваат жени со карактер. Ги нервираат жени без карактер, бидејќи изгледаат како празен простор“, вели психологот.

При договарање со партнер во врска, психологот нагласува дека секој треба да се заснова на доверба. Ако нема доверба, тогаш зошто некаква врска?

„Ако не му верувате на маж, зошто воопшто ви е потребен? Кога луѓето не си веруваат еден на друг, тоа веќе не е љубов, туку пресметка“.

Што се однесува до внатрешните немири и превирања кај двајцата партнери, психологот Лабковски го советува следново:

„Ако не ви се допаѓа тоа што мажот не ви изјавува љубов, сменете го мажот, најдете некој позборлив. Секогаш велам: ако не сакате, не јадете го тој човек. На луѓето неим  треба перење мозок. Или ќе го прифатиш таков каков што е или ќе најдеш некој друг“.

Имаме право една врска повеќе да не ни се допаѓа, но немаме право да останеме во таква врска, а да ја повредуваме и измачуваме другата страна.

Зашто, како што вели психологот Лабковски: „Самиот чин на прељуба не е толку страшен како неговото прикривање“.

ФОТО: RTVI Принтскрин / youtube