РЕЦЕПТ: Нудли со мини ракчиња и бејби пченка
За денес се потрудив да прилагодам еден ручек според понудата на зачини на нашиот пазар. Тука навистина е рај за секој што ужива во готвењето. Зачини какви ти душа сака, како и сосови за готвење . Искрено,кафе би пиела низ полиците нна маркетите.
Ви спремив нудлс со мини ракчиња и бејби пченка. Мора да пробате.
Потребни состојки:
400гр. Ракчиња
4 Топки нудлс
250 гр. Бејби пченка
100мл. Бело вино
1 Пиперка
1 Тиквица (средна)
Половина главица кромид
2 чешниња лук
2 лажици кокосово масло
1 лажичка мала од сите (чили,корјандер,тумерик,лук во прав,ѓумбир во прав,црвен пипер, сол)
Сол и бибер
*за оние коа не сакаат луто ме ставајте чили
Прво сите зачини помешајте ги заедно да се соединат и дпдадете прстофат цимет. Потоа ракчињата во подлабок сад маринирајте ги со 2 лажици маслиново и 1 лажичка од зачините. Убаво промешајте и оставете ги 1 час во фрижидер. Откако ќе се маринираат обарете ги во 100мл. Бело вино. Додека да испари виното насецкајте ја пиперката и тиквицата а во тавче на кокосово масло со едно чешне лук подпечете ја пченката. Во сад ставетее вода да зоврие за да ги сварите нудлите, моите се од јајца се вареа само 5 мин во вода што врие.
Во поголемо тавче на маслиново продинстајте го кромидот ситно насецкан. Додадете ги пиперките по 2 мин и тиквичките заедно со ситно насецкано чешне лук и пола лажиче од мешавината зачини. Потоа додадете ги и ракчињата и пропржете ги 5 мин. Потоа додадете ги сварените нудли помешајте се заедно,ставете сол и бибер и тргнете од оган. Сервирајте по желба, додадете ја бејби пченката насецкана на парчиња и уживајте.
