Рози, сопругата на премиерот Мицковски ја цени пристојноста во облекувањето: Одмерено и сигурно
Суштинската разлика помеѓу трендовите и стилот е фактот што трендовите се минливи и претставуваат актуелни бранови кои сезонски погодуваат голем број луѓе. Стилот е издржлив и не се однесува само на облеката, туку е длабоко поврзан со идентитетот и имиџот на поединецот. Модните великани беа свесни за тоа, како и многубројните стилски икони.
Со стилот се испраќаат и широки пораки на најсеопфатен начин, не само за тоа како сме перцепирани од другите, туку и за тоа како се перципираме себеси.
„Секогаш одете како зад вас да одат тројца луѓе“, вели познатиот моден дизајнер Оскар Де Ла Рента.
Низ поновата македонска историја имавме и имаме неколку дами на политичари (или самите се тие дами или биле/се политичарки) кои со својот стил на облекување привлекле внимание. Некои по добра, а некои по лоша стилска перцепција. Вистина е дека убавината е во окото на набљудувачот, но зависи и кој набљудува! Во однос на кодесот на облекување во политиката или политичките кругови, елеганцијата и класиката го играат главниот збор, но тие треба да бидат вешто искомбинирани- ни пренападно, ни претерано ни пренагласено- туку усогласено.
Сопругата на премирот Мицковски, Рози не ја гледаме многу често во јавноста. Тоа е така најмногу поради тоа што работи како професорка по македонски јазик во гимназијата „Орце Николов“ и посветена е на тоа, како и на семејството кое ги вклучува синовите Јован и Антониј.
Сепак, се појавува заедно со сопругот на одредени настани каде и може јавноста да ја види и како се облекува.
Рози е најверојатно свесна за ризиците кои ги носи стилот, посебно на јавните појавувања, па секогаш и секаде одбира прикладни комбинации кои не се претерани, едноставно симплифицирани и одмерени. Не игра претерано со боите како ни со шарите,ни со деталите, но внимава сето тоа да е пред се пристојно.
Кај неа можеби најмногу доминира и е забележителна нејзината руса коса која секогаш е убаво обликувана и таа некако и е заштитен знак.
