СЦЕНАРИО „БИБЛИСКО УНИШТУВАЊЕ“ ПОГОДИ ПОЗНАТИ ГРЧКИ ОСТРОВИ: Луѓето заробени ...ВИДЕО

Добивај вести на Viber

Грчките власти денеска издадоа предупредување во повеќе региони во земјата поради обилни врнежи и невреме со град. Поради невремето денеска ќе бидат затворени училиштата на Парос, Миконос, Родос, Кос и Сими, пренесува Катимерини.

Силно невреме ги погоди Кикладите и Евија во понеделникот попладне, а предупредување беше издадено и за островите во источниот дел на Егејското Море, вклучувајќи ги Хиос, Самос и Икарија.

Силно невреме пропратено со град ги погоди во понеделник Сирос, Евија и делови од Пелопонез. На Парос, особено во Науса, големите врнежи создадоа силни порои кои однесоа автомобили и предизвикаа значителна материјална штета.

Нешто пред 17 часот и 30 минути до системот за итни случаи „112“ е испратена порака дека движењето на возила на островот е забрането освен возила за итни случаи.

Според грчката метеоролошка служба, највисоки дневни врнежи во понеделникот се забележани на Миконос (71,6 милиметри), од кои 65 милиметри паднале во рок од два часа.

Невремето што ги погоди Кикладите остави пустош по себе. Парос и Миконос, две од најпопуларните дестинации во земјата, се најдоа заробени во хаосот што го остави зад себе тропската бура.

На Парос од раните утрински часови небото се затемни, а дождотза кратко време ги претвори улиците во порои. Поплави, автомобили кои ги носи водата и калта на сите страни изгледаат како сцена од библиско уништување.

Сообраќајот на главните сообраќајници беше блокиран со часови, бидејќи потоците надојдоа, патиштата беа пресечени на два дела, а карпите се одвоија од косините, што дури и на спасувачките екипи им одеше крајно тешко. Оперативниот центар на противпожарната бригада е преплавен со повици, додека присуството на силите на грчката полиција, цивилната заштита и противпожарната бригада и понатаму е интензивно во текот на целиот ден, под постојан надзор.

Хеликоптер со персонал на ЕМАК беше испратен на островот, но не можеше да слета поради екстремните временски услови.

Пороите ги однесоа автомобилите кои беа заробени во тесните улички на островот. На неколку места нивото на водата надмина еден метар, патиштата ги претворија во реки и го оневозможија преминувањето на возила и пешаци. Десетици жители останаа заробени во своите домови.

„Доколку се случат вакви врнежи кога е сезона...“ 

Метеорологот Јоргос Цатрафилијас предупреди дека доколку такви врнежи се случат за време на Велигден кога има многу луѓе на островите, може да има страшни последици.

„За неколку дена ќе го славиме Велигден, а островите Парос и Миконос се очекува да бидат преплавени со луѓе“, вели тој.

Според него, количината на вода што паднала на двата острова била импресивна и укажува на интензитетот на феноменот: „За неколку часа на Парос паднала околу еден месец вода, а на Миконос двојно повеќе од количеството вода што паѓа цел март“, вели тој.

Јоргос Цатрафилијас нагласува дека во вакво хипотетичко сценарио, дури и испраќање известување преку 112 не би било доволно за ефективно да се заштити населението, доколку нема инфраструктура и соодветно образование: