Се бакнуваа како утре да не постои: Таа во гол комбинезон мамеше погледи на црвениот тепих, тој фраерчина
Филмскиот фестивал во Венеција беше свечено затворен синоќа, а и покрај отсуството на големи холивудски имиња поради штрајкот на тамошните актери, имавме можност да уживаме во врвен гламур, интересни креации, па дури и во некои незгодни моменти. А еден од најстрасните моменти на фестивалот дефинитивно го создадоа манекенката и инфлуенсерка Оријана Марколи и нејзиното момче Даниел Дел Моро, инаку позната италијанска ријалити ѕвезда.
Оријана, која е родена во Венецуела, донесе малку од жешкиот, сензуален дух на Латинска Америка на црвениот тепих на филмскиот фестивал во Венеција, шетајќи го истиот во љубезно, смело, иако многупати видено издание.
Оваа 31-годишна девојка се одлучи за тесен „гол“ комбинезон, односно во боја на кожа, покриен со илјадници блескави циркони. Ги оцртуваше сите нејзини облини и се однесуваше исто како втора кожа, а Оријана го комплетираше со сребрени сандали со прерамки и црно - сребрена clutch чанта.
Даниел, пак, избра класичен, елегантен костум во црна боја, надополнувајќи го со бела кошула и црна машна. Но нивното однесување привлече многу повеќе внимание од нивните изданија - парот не ги тргаше рацете еден од друг, страсно се бакнуваше и пипкаше и направи вистинско шоу за фотографите и посетителите!
Овие млади, згодни, заљубени „гулапчиња“ практично не престанаа да се бакнуваат, а на вас оставаме да процените дали навистина не можеле да ја контролираат својата страст или намерно сакале да бидат во центарот на вниманието.
Инаку, интересно е што парот наводно трајно раскинал пред само неколку недели, но очигледно раскинувањето не траело долго. Даниел и Оријана се познати и по бурните односи, односно честите раскинувања и помирувања.
FOTO: Instagram screenshot
