Се криеше повеќе од 2 месеци: Прво јавно појавување на Хана Хуљиќ по породувањето е главна тема во Хрватска (ФОТО)
Откако од јули остана скриена во топлината на својот дом, сопругата на Петар Грашо излезе на забава, во одлично друштво.
Хана Хуљиќ, ќерката на музичарот Тончи Хуљиќ, годинава се омажи за нивниот долгогодишен пријател и колега Петар Грашо, а двојката летово го доби првото дете.
Хана на 17 јули ја роди ќерката Алба, а по излегувањето од породилиштето не беше видена во јавноста.
Бидејќи од почетокот на врската со Грашо е мета на папараците и новинарите, убавата Хана очигледно уживала во престојот дома и во приватноста на својот дом, бидејќи на првото појавување во јавноста изгледа феноменално!
Хана присуствуваше на церемонија во Сплит, а на настанот пристигна во придружба на нејзините познати родители и братот Иван.
За оваа пригода младата мајка избра портокалов фустан, модел чиј горен дел е поопуштен, а долниот е припиен до телото. Станува збор за затворен фустан со ракави под лактите, а како и обично се одлучи за речиси природен изглед и пуштена брановидна коса.
извор:GLOSSY
