Се породи Тамара Тодевска: Хана доби братче, а ние уште една љубов

Добивај вести на Viber

Пејачката Тамара Тодевска денеска роди син. Пејачката на својот Фејсбук профил ја сподели убавата вест со своите пријатели. 

„Се роди нашиот Дарен. Хана доби братче, а Мачка и јас уште една неописива љубов. Пресреќни сме и многу благодарни на целиот тим на „Аџибадем Систина“ и на нашата докторка Гордана Петровска. Ви испраќаме безброј бакнежи“, вели Тамара.

За Женски магазин, таа изјави дека ова е вистински период за второ дете и дека на ќерката Хана нема да и се одземе вниманието кое таа и сопругот и го давале до сега. Тамара пред неколку дена на социјалните мрежи објави фотографии со разголен стомак и рече дека едвај го чекаат раѓањето на синот.