Се врати најбараната фризура од 90-тите: Пробајте го волуменизираниот изглед на супермодел со совети од професионалците

На задоволство на милениумците, најпопуларната фризура од 90-тите се врати во тренд!

Дали е тоа само наш впечаток или сите се одлучуваат за вакви фризури во моментов? Овој стил додава посебен шик ефект, а некои од вас можеби ќе се изненадат кога ќе дознаат дека ова всушност не е нов тренд. Всушност, оваа фризура беше многу популарна во 90-тите. Толку многу, што дури и го доби името „фенирање од деведесеттите“.

Ова е еден од најелегантните трендови за коса што сме ги виделе оваа сезона и е совршен за секоја пригода ова лето, лежерно или глам. Ако сакате да дознаете повеќе за тоа како да го рекреирате овој стил, продолжете да читате…

Што е фенирање од 90-тите?

Според познатиот фризер Џејмс Лир, фенирањето во 90-тите се однесува на бујна, мека и обемна коса. „Помислете на модните писти со модели како Клаудија Шифер, Синди Крафорд и Вероника Веб“, вели тој. „Многу гламур, елеганција и волумен!

Дали овој тренд е добар за сите типови коса?

Според Лир, апсолутно да. „Текстурата не е важна кога станува збор за фенирањето на 90-тите. Овој стил на виткање оди дополнително во ваша корист. Тенката коса може дополнително да се волуменизира".

Најдобриот дел? Оваа фризура е погодна за сите должини на коса. Ако имате краток боб, Лир вели дека можете да го носите со волумен напред и завиткани краеви. Средните должини изгледаат одлично со фатена коса од страна, а ако имате подолга коса, можете да се одлучите за класичен изглед со фенирање.

Како може сами да се исфенирате вака?

„Подготовката е сè“, вели Лир. „Препорачувам да ја измиете косата со шампон за волумен за да ѝ дадете текстура на вашата коса. Потоа додава: „Можете да ја исушите косата со фен нагоре со мека тркалезна четка, фокусирајќи се на подигнување на предниот дел и страните“. Потоа ќе го користите фигарото, а Лир препорачува да го држите хоризонтално за дополнителна ширина. „Користејќи мека четка, свиткајте ја секоја витка поединечно, обилно попрскувајќи го секој дел со фиксаторот. На крајот, навалете ја главата наназад и нежно поминете со рацете низ корените за да ги споите деловите“.