Брена поради 1 реченица на келнерот успеала да ослабне 20 кг: Никогаш повеќе не јадела слатки и леб
Лепа Брена никогаш не криела дека има вишок килограми во младоста, но откако слушнала непријатни зборови од келнерот решила да промени нешто.
„Мислев дека ќе дојде пејачка, а дојде трафостаница!“ - слушнала Брена како зборува за неа келнерот и тоа многу ја повредило. Тие зборови биле нејзина мотивација за слабеење.
„Наутро обично јадев едно или две јајца. Гледав тоа да бидат органски јајца. За ручек обично тоа беше некоја посна супа без маснотии и тестенини. Всушност тоа беше вода во која само се обаруваше зеленчукот, а не се готвеше до бескрај, па да не добиете ниту еден витамин од целата приказна. Тука задолжително имаше и некое месо, кое беше на скара или готвено. За вечера имав парче риба или месо со салата“ - раскажала Брена во една прилика за домашните медиуми.
„Нездравата храна за мене е минато. Масни производи не доаѓа предвид! Не јадам торти или колачи и се чувствувам многу подобро. Готвам сè во вода, без капка масло. Успеав и Боба да го навлечам на здрава храна. Сега и нему тоа му се допаѓа", рекла Брена која на својата здрава исхрана додаде редовни тренинзи.
„Редовно тренирам и многу ми годи се тоа. Не ми е толку важно како изгледам, туку дека се чувствувам добро и енергично“, вели Брена која денес има завидна фигура и кондиција.
