Синоним за љубов, со моќна порака: Новиот албум на Бијонсе е повеќе од музика

Бијонсе го издаде својот најнов албум „Black is King“, а со тоа и истоимениот филм во кој глумат познати личности како Наоми Кембел, Лупита Нјого, Фарел Вилијамс и нејзината ќерка Блу Ајви.

„Black Is King“ премиерно ја претстави платформата за стриминг Дизни +, само една година по саундтракот што го издаде за новиот римејк на „The Lion King“. Песните од албумот се засноваат на споменатиот саундтрак и претставуваат еден вид продолжение на она што артистиката претходно го објаваше.

По бруталната смрт на Џорџ Флојд, таа одлучи да ја прошири својата идеја и да ја истакне различноста што ја носи африканската култура, на која таа е горда.

Филмот е снимен во Велика Британија, САД и неколку земји во Јужна и Западна Африка. Бијонсе за тоа ангажираше локални африкански уметници, а филмот го опиша како „синоним за љубовта и нејзиниот омилен проект, кој го работеше дење и ноќе“.

„Настаните од 2020 година ја направија идејата за филмот уште порелевантна, затоа што луѓето ширум светот тргнаа на историско патување. Сите бараме безбедност и светлина. Многумина од нас сакаат промена. Верувам дека кога црнците ќе ги раскажат своите приказни, можеме да го промениме светот и да ја раскажеме нашата вистинска приказна за богатството на генерациите и богатството на душата ... Во овој визуелен албум, сакав да ја претставам историјата и традицијата на Африка “, рече Бијонсе.

Кога Бијонсе минатата година го позајми својот глас на Нали, хероина во римејкот на Дизни, на култниот филм „The Lion King“, таа одлучи да излезе надвор од утврдената шема со која Холивуд до тогаш, многу стереотипно ја прикажуваше Африка и локалната култура, и со тоа да обезбеди еден целосно различен поглед на легендарната бајка за деца. Една година подоцна, здружувајќи се со неколку продуценти, Бијонсе направи свој филм и сподели уште еден многу успешен визуелен албум со фановите.

Филмскиот албум, инспириран од животните лекции што ги научивме од „The Lion King“. 

Покрај тоа што не приближува до африканската мелодија, впечатливи се и модните комбинации што изобилуваат во овој визуелен, филмски албум.

Погледнете еден од видео - записите:

извор:nova.rs / radiobjelopolje.me

(ФОТО) Меган Маркл или Бијонсе: Моден дуел на премиерата на „Кралот лав“
(ФОТО) По 3 години зачекори на црвениот килим: Бијонсe блесна со ќерка си