Сите кралици оваа сезона го носат овој модел на капут: Ултра модерен е, а сепак класичен и ќе ви трае вечно (ФОТО)

Изгледа толку скапо и елегантно!

Холандската кралица Максима во вторникот имаше ден исполнет со официјални обврски, посети неколку приватни и државни институции и организации, а меѓу другото присуствуваше и на отворањето на музејот во градот Харлем. За сите овие прилики Максима избра многу ефикасна комбинација, класична, но и модерна во исто време.

Познатата 50-годишна кралица изгледаше одлично во црвен фустан и квалитетно палто со миди должина во иста боја, а изданието го надополни со светкави додатоци - висечки обетки, бордо капа и салонки од бордо кожа.

Палтото на Максима беше хајлајт на целиот аутфит - впечатливо и различно, а сепак едноставно и практично парче. 

Интересно е што црвениот капут е задолжителен во гардеробата на членовите на сите кралски семејства. Често го носат шпанската кралица Летиција, војвотката од Кембриџ Кејт Мидлтон, Меган Маркл...

Летиција пред неколку дена на гостувањето во Шведска облече црвен капут, а избра модел кој е врзан околу половината и има широки ревери. Шпанската кралица го комбинираше со црни панталони и црно здолниште, како и црни чизми до глужд. Ова не е прв пат да избира капут во оваа боја.

Црвениот капут спаѓа во редот на класиците како сива, беж или црна, но сепак е малку посмел и секако е тој што ја разбива зимската монотонија. Изгледа и попривлечно и е мамка за очи и лесно е да изгледате дотерано во него, дури и ако ги носите најобичните фармерки и еднобојно здолниште одоздола.

Кејт Мидлтон, која едноставно го обожава, повеќе пати ни покажа колку добро изгледа ова парче во сите стајлинзи! Го носи со класични салонки и кожни чанти, но и црни ракавици. Можностите за комбинирање се безбројни, но едно е сигурно – црвениот капут секогаш изгледа елегантно.