Славната актерка влезе во менопауза на 36 години, се омажи на 54 и вели дека границите кои им се наметнуваат на жените се глупост
Познатата актерка Наоми Вотс (54), која минатиот месец се омажи во Њујорк за Били Крудап, со кој е во врска од 2017 година, изјави дека границите што им се наметнуваат на жените, поради нивната возраст, се погрешни и создаваат многу притисок. Среќна е што работите сепак се менуваат на тие полиња.
„Горда сум што сè уште работам, кога конвенционалната мудрост беше дека ако имаш влакно над 40 години, всушност си принудена да се пензионираш. Да се види таа промена, тоа е моќ. Се повеќе се разбира дека женските приказни не завршуваат со одредени години“, изјави Наоми Вотс за Hello!.
Актерката зборуваше и за менопаузата: „За некои може да трае повеќе од една деценија. Зар не вреди да се пишува за тоа? Толку многу работи можат да се случат во животот на жената во тој период: грижа за постари родители, заминување на деца, развод, промена на кариерата, враќање на работа. Влогот е голем! Сето тоа е одлична храна за значајна и богата приказна“.
Наоми влезе во менопауза на 36 години и рече дека немаше да се чувствува толку осамено ако повеќе се зборуваше за оваа тема:
„Навистина верувам дека мојата транзиција ќе беше полесна доколку менопаузата не беше толку табу тема кога првпат почнав да доживувам симптоми. Бев дел од циклусот кој очајно требаше да се прекине.
Имаше недостиг на отворен разговор и ресурси за да им се помогне на жените да се движат низ промените низ кои поминуваме. Затоа сега сум толку страствена за подигање на свеста и поттикнување на поискрени разговори“.
Актерката работи со организацијата Marielle Frostrup Menopause Mandate за да им помогне на жените во Обединетото Кралство.
Наоми Вотс со години беше во врска со актерот Лиев Шрајбер со кој ги има синовите Александар и Семјуел.
ФОТО: Инстаграм принтскрин
Naomi Watts
