Животна училница // Приказни

Смрт во семејството на Бил Гејтс

  • 16 Септември, 2020

Таткото на основачот на компанијата „Мајкрософт“ почина на 94-годишна возраст

Таткото на основачот на Мајкрософт и познат филантроп Вилијам Гејтс Постариот почина на 94-годишна возраст, напиша Бил Гејтс во својот блог. „Вчера татко ми почина мирно дома, опкружен со неговото семејство. Ќе ни недостасува повеќе отколку што сега можеме да замислиме. Чувствуваме тага, но и благодарност. Смртта на татко ми не беше неочекувана, тој имаше 94 години и неговото здравје се влошуваше. Ќе имаме време да размислиме за тоа колку сме среќни што имавме толку прекрасна личност во нашите животи многу години “, напиша Бил Гејтс.

Гејтс Јуниор истакна дека „го цени тивкото влијание“ што неговиот татко го имал буквално на секој аспект од неговиот живот, нагласувајќи ја правната помош на Гејтс Постариот во раните години на „Мајкрософт“. "Фондацијата Бил и Мелинда Гејтс немаше да стане она што е денес без татко ми. Повеќе од кој било друг, тој ги обликуваше вредностите на фондацијата", рече Бил. Како што пренесува Њујорк Тајмс, Алцхајмеровата болест довела до смрт на Гејтс Постариот. „Татко ми беше„ вистинскиот Бил Гејтс “, напиша основачот на Мајкрософт на Твитер.


Можеби ќе ве интересира