Стил на денот: Сека Алексиќ ја има најпопуларната јакна оваа сезона
Ниту Сека Алексиќ не можеше да одолее на новата зимска верзија на бомбер јакната, а овој модел е апсолутен тренд за 2023 година.
Сека Алексиќ последниве месеци го промени имиџот, а не можеме а да не признаеме дека ни се допаѓа нејзиниот нов моден стил!
Панталони и фустани од латекс, чевли на платформа, предимензионирана гардероба... ова се само дел од парчињата кои можеме да ги видиме на Сека во последните месеци. Популарната пејачка не крие дека ја сака модата и ги следи трендовите, а нејзиниот Инстаграм е инспирација за многу жени.
Како трендсетерка, Сека ни покажа како да ја носиме јакната која ќе биде тренд во 2023 година.
Станува збор за бомбер јакна, која по повеќегодишна пауза се враќа на големата врата. Светските трендсетерки не можеа да одолеат на ова парче, исто како и Сека Алексиќ која комбинира бомбер јакна со тесни црни панталони од латекс и чизми со гломазен ѓон.
Без разлика дали ќе изберете пократка или подолга верзија, за која се одлучи и Сека, нема да погрешите бидејќи ова парче преку ноќ стана вирално и се најде буквално на сите листи на желби на светските и домашните трендсетерки.
ФОТО: Инстаграм