Свадба на деценијата што направи прекин на ТВ вестите: Брена и Боба имале мала несреќа пред церемонијата

Лепа Брена и Боба Живојиновиќ пред неколку дена ја прославија 30-годишнината од бракот, а за нивната венчавка сè уште се зборува. Околу 600 гости присуствуваа на свеченоста, која многумина ја нарекоа „свадба на деценијата“, што предизвика дури и прекинување на „Дневникот“.

Белиот венчален фустан на Брена беше направен од познатата модна куќа Диор исклучиво за неа, според нејзините мерки.

Кум на Боба беше експертот за тенис Јан Циријак, додека на Брена беше нејзиниот долгогодишен менаџер Рака Ѓокиќ. 

На сите покани имало врежано ББ.

Потоа, во медиумите се појави приказна дека некои од нив сакале да купат покана за венчавката за неколку илјади марки, за да можат да присуствуваат на овој настан.

Неколку часа пред венчавката, Брена и Боба дошле во холот на хотелот да ги поздрават сите гости. Брена тогаш носела краток, син фустан, додека Боба имал класично одело.

Младенците биле одлично расположени и тие гласно го изговориле „судбоносно да“, а по бракот, невестата го фрлила бидермаерот, кој отишол во рацете на нејзината добра пријателка и помлада колешка - Драгана Мирковиќ, додека гостите ги забавувала Ванеса Шокшиќ. 

Огромната свадбена торта била со тениски рекети и музички плочи, а „Дневник 2“ бил прекинат, за да може младенците директно да бидат вклучени во програмата. Оваа венчавка чинела 50 000 германски марки.

Сепак, имало и мала несреќа.
Во салата каде требало да се одржи самата свадбена церемонија, пукнала цевката за вода само неколку часа пред настанот, па целата сценографија ја префрлиле во друга сала.

Белиот венчален фустан е направен од познатата модна куќа Диор исклучиво за Брена, според нејзините пропорции, додека младоженецот избрал црн смокинг. На свадбата немало политичари, додека од друга страна имало голем број гости од други сфери на јавниот живот.
Медиумите непречено ја следеле венчавката. Во тоа време, Саша Поповиќ го водел главниот дел од програмата околу венчавката и на самиот почеток ги поканил сите присутни гости да го одиграат првото оро.

Подготвени биле 650 видови јадења. Се послужиле голем број коктели, а дури 22 свињи се печеле. Свадбената торта била на пет ката. Над 4.000 писма пристигнале во куќата на славната двојка, а подароци пристигале од целиот свет. Во тоа време се шпекулираше дека една уметничка слика вреди колку половина од свадбената прослава.

извор:srbijadanas.com