Таа не умее да се облече досадно: (Не)обичен фустан на кралицата Максима кој поместува граници (ФОТО)
Сопругата на холандскиот крал е една од најдобро облечените жени во Европа, а препознатлива е по својот автентичен моден израз.
Кралицата Максима од Холандија, сопруга на кралот Вилем-Александар, е мајстор во изборот на парче кое навидум е класично и едноставно, но всушност полно со детали што го издвојуваат и го прават необичен избор!
Ова е токму фустанот што го носеше холандската кралица пред неколку дена, веднаш по враќањето од летниот одмор, кога кралот и таа беа домаќини на холандскиот олимписки тим во Кралската палата Нордејнде во Хаг, кој се врати од Токио со 26 медали околу врат.
Секогаш насмеана, Максима изгледаше волшебно во интересен фустан кој се чинеше дека е инспириран од модата на шеесеттите и седумдесеттите години! Станува збор за необичен светлосин модел кој блескаше малку на сонце благодарение на фактот дека е направен од т.н платно од чадор или ткаенина од тафта. Станува збор за миди фустан со потпис на омилениот бренд на Максима, Нејтан, исечен како лесен капут-фустан, а половината е нагласена со ефективен ремен, додека ракавите се засукани.
Холандската кралица комбинацијата ја дополни со плик чанта во беж боја изработена од кожа од крокодил од Софија Хабсбург и впечатливи салонки со слична нијанса на модната куќа Џанвито Роси, и, како и обично, имаше многу накит: висечки обетки, златни нараквици, часовник ...
Извор:glossy.co.rs
FOTO: Profimedia
