Три најубави работи и највредната лекција што ни ја донесе 2020 година

По што вие одбравте да ја паметите оваа чудна година? 

Годината 2020 беше многу чудна, некои ќе речат една од најлошите што сме ги доживеале. Се дружевме малку, сè уште се дружиме многу малку, избегнуваме прегратки и бакнежи, кои некогаш беа најдобра храна за нашите души.

Имаше многу солзи, многу недостасувања, повеќето од она што посакуваме не се случи. Имаше и вредни лекции - колку се важни сопственото и здравјето на другите и дека тоа е единственото богатство што не може да се купи за пари!

Но, наскоро ќе ја испратиме оваа несреќна година и кога часовникот ќе чукне за полноќ во ноќта помеѓу 31-ви декември и 1-ви јануари, можеби ќе бидеме во можност никогаш повеќе да не се сеќаваме на тоа и да зачекориме во 2021 година со голема надеж, но и со претпазливост.

Ќе се обидеме да ја запомниме по убави работи. Издвоивме некои од најубавите работи што ни се случија во оваа необична година:

1. Беше извршена прва трансплантација на срце во земјава. 

Четири жени беа дел од тимот доктори кардиохирурзи и анестезиолози кои ја направија првата трансплантација на срце, кое за волја на вистината беше од жена. Тоа женско срце денес чука во градите на пациент кој доби нова шанса за живот.

2. Ѝ се вративме на природата

Бидејќи бевме спречени да летуваме во хотели и да се сончаме на плажите, ги сретнавме (повторно) убавините на природата и на нашата земја. Оваа година многумина сфатија колку е голема Македонија и колку е горда на своите природни и неоткриени убавини.

3. Многу драгоцени моменти со семејството

Времето на карантин и работа од дома беше доста стресно, но исто така ни донесе нешто за што можеме само да сонуваме во нормални услови - многу повеќе време и драгоцени моменти на уживање со семејството и децата.

Во 2020 година ја научивме можеби најважната животна лекција.