Удобно, тренди и едноставно: Најлежерната и најдобра облека што можете да ја носите оваа есен
Уличен стил комбинациите ни носат многу добри модни избори, а оваа комбинација е ненадмината
Фармерките, и оние со рамно дно, секогаш се непогрешлив избор, дури и ако сте меѓу оние кои сакаат елеганција на високо ниво!
Кога ќе ги комбинирате рамните фармерки со тренди и квалитетни чизми, добивате идеална комбинација со која дефинитивно нема грешка и можете да ја носите до крајот на есента.
Класичните рамни фармерки ги сакаат и Французинките, кои се меѓу шик претставничките во модниот свет, а има многу начини на кои оваа навидум едноставна комбинација може да се претвори во аутфит што сакаат да го копираат и инфлуенсерите и кралиците на уличниот стил.
Рамни фармерки + чизми од превртена кожа
Да, чизмите од превртена кожа се толку тренди! Љубителите на модата секоја сезона се опседнати со нив, а се одлична комбинација со рамни фармерки за секојдневна пригода, одење на работа...
Инаку, ревијата на Хермес ги претстави во колекцијата есен/зима 2023 година и затоа се меѓу најголемите трендови за оваа сезона.
Рамни фармерки + чизми до глужд
Ова е една од одличните опции за сите љубители на уличниот стил, а комбинацијата е удобна, практична, ултра тренди...
Рамни фармерки + блок пета
Совршена опција за работа и за љубителите на класичната естетика. Доколку сакате да додадете малку елеганција, изберете кошула, романтична блуза или палто со тенок крој што ја истакнува фигурата.
Рамни фармерки + каубојки
За сите оние кои не се плашат да експериментираат со модата, ова е комбинација која доминира низ улиците на метрополата, а каубојките се меѓу главните модни фаворити во сезоната. Предимензионирана јакна совршено оди со ова.
извор: glossy.espreso.co.rs
