Удри шлаканица на 8-годишно девојче затоа што изгуби од Србинка: Кога се огласи, стана уште полошо!
Вознемирувачка сцена се случи на Европското првенство во таеквондо за јуниори. Тренерот на девојчето кое го претставуваше Косово ѝ удри шлаканица на осумгодишната натпреварувачка по поразот од девоче од Србија, а големиот инцидент го сними камера која била во непосредна близина.
Девојката Нина Савиќ од Шабац во финалната борба успеа да слави против девојката Валина Фетиу од Косово. Ваквиот исход од мечот го налути тренерот на девојката од Косово, кој ѝ удри многу силна шлаканица веднаш по завршувањето на мечот во кој младата Нина стигна до златниот медал.
Тренерот на девојката со албанско потекло силно ја повлече кацигата на својата натпреварувачка, извади делови од нејзината заштитна опрема, ја удри и ја расплака на само неколку метри од арената. Загрижените луѓе од организацијата на натпреварот одржан во Тирана дојдоа да ѝ помогнат на расплаканото девојче, па можете да видите како непозната жена ја прегрнува и теши, а целиот случај кој ја шокираше спортската јавност во Европа доби неочекуван пресврт.
Неколку часа откако видеото од брутално насилство на спортски настан стана вирално, се огласи тренерот кој ќе мора да биде суспендиран од спортот. Неговата прва објава по овој инцидент е уште позагрижувачка бидејќи Албанецот од Косово и Метохија откри дека е татко на девојката што ја удрил!
„Таа е моја ќерка и никој не ја сака повеќе од мене. Во моментот кога девојчето беше дезориентирана и лута што загуби од српската натпреварувачка, лежеше на земја не можејќи да го прифати поразот. Едноставно сакав да се смири и да сфати дека и покрај поразот е вицешампион и дека ќе има други можности“, изјави Ваљмир Фетиу за „Клан Косова“.
Фото: „Х“
