Вакцината на Фајзер безбедна и за деца? - во Израел немало несакани ефекти кај 600 тинејџери од 12 до 16 години

Стотици деца на возраст меѓу 12 и 16 години, на кои им била дадена вакцината на Фајзер/Бионтек во Израел, немале сериозни несакани ефекти, изјавил за Гардијан висок официјален претставник.

Ова е еден од првите знаци дека вакцините против ковид 19 може да бидат безбедни за малолетни лица пред резултатите од клиничкото испитување.

Израелското Министерство за здравство препорача вакцинирање на некои тинејџери ако страдаат од основни состојби што ги прават ранливи на коронавирус.