Вежбам со персонален тренер веќе 10 години: Пред огледало со Аријана Коскарова

Младата Аријана Коскарова, позната како ко-основач на „Creative Hub“ и „Forbes Under 30 Europe 2019“, овојпат пред огледалото на Женски Магазин ги откри своите ритуали за убавина, како и омилени козметички производи. 

* Каков е Вашиот дневен козметички ритуал?

- Чистење на лицето, серум околу очи и крем за лице.

* Со какви препарати го негувате лицето?

- Користам „Shiseido“ креми за лице и два пати месечно правам третмани на лице. До сега најдобар ефект сум имала од „HIFU“.

* Посетувате ли козметички салони?

- Да, три пати неделно, најчесто за фенирање, но и за педикир, маникир, третмани на тело и лице.

* Кои производи ги употребувате за нега на коса?

- Како што одговорив и во претходното прашање, зависник сум од фризер и многу ретко ја мијам косата дома. Но кога го правам тоа ја користам „Kerastase“ линијата на производи.

* Што сакате да прикриете, а што да истакнете со шминка?

- Не сакам ништо да прикријам, јас сум тоа што сум. Но сакам да имам шминка соодветна за пригодата. Секогаш сакам да ги истакнам очите, усните и јаболкниците. Најчесто практикувам и техники на контурирање.

* Кои се Вашите омилени козметички производи?

- Ми се допаѓа течната пудра на „Fenty“, кармините на „Kylie Jenner“, и сенките на „Charlotte Tilbury“, „Huda Beauty“ и „Dior“.

- Што носите секогаш во Вашиот несесер?

- Сјај за уста и кармин.

* Омилен парфем?

- Моментално го користам „Myrhh & Tonka“ на „Jo Malone“, но омилен ми е и „Neroli Portofino“ на „Tom Ford“.

* Како ја одржувате линијата?

- Вежбам 3 пати неделно со персонален тренер веќе 10 години, а ме рекласира и играње на тенис. 

Даница Караташова