ВИДЕО: Погледнете го трогателниот разговор меѓу спасувачите и девојче под урнатините во Турција

Спасувачките тимови продолжуваат со потрагата по преживеани во урнатините по разорните земјотреси што ја погодија турско-сириската граница. 

Бројот на загинати постојано се зголемува и сега се искачи на над 16.000. Турскиот претседател Реџеп Таип Ердоган прогласи тримесечна вонредна состојба во 10-те региони најпогодени од земјотресите.

На социјалните мрежи постојано се шират видеа од спасувањата, а меѓу нив, и едно кое го привлече вниманието на јавноста. 

Такво е спасувањето на осумгодишното девојче Зубејда, кое беше извлечено од урнатините во турскиот регион Кахраманмарас, три дена откако земјата беше погодена од разорен земјотрес.