На Викторија Бекам би ѝ дозволила да ми го преуреди гардероберот: За стилот со Андреа Илоска
Преферира црна боја и црвен кармин, а заштитен знак ѝ е нејзината долга темнокафена коса
Андреа Илоска е сопственик и генерален менаџер на познатиот хотел „Инекс Олгица“ во Охрид, дама со свој изграден стил и парчиња кои ја отсликуваат нејзината личност и визија.
Токму за својот моден вкус, таа открива дел од својот гардеробер за публиката на Женски Магазин.
* Дефиниција за стил?
- Потпис на личноста.
* А, Вие стилски се дефинирате како...
- Слободен дух кој истовремено тежнее кон софистицираност и практичност.
* Што е пресудно за добар стил?
- Израз на храброст и сопствен печат на секој „outfit“.
* Комбинирате елегантно со спортско или сте камелеон во облекувањето?
- Комбинирам во зависност од моментот и вибрацијата.
* Минимализам, хедонизам, авангарда?
- Минимализам – можам да се пронајдам во повеќе стилови, но основата да е сепак минимализам.
* Гламур или класика?
- Класика.
* Омилени нешта од вашата облека?
- Хеланки, костум, високи потпетици и патики, а добар часовник е „must have!”.
* Дали практикувате брендирана облека или не ви е пресудна етикетата?
- Не е пресудна етикетата, но ако се препознаам во приказната на актуелната колекција на одреден бренд си дозволувам такво задоволство.
* Што сакате да постигнете со вашиот стил?
- Уникатност со дозирана нежност.
* Дали ако сте автентична, тоа значи и осудување од нашава средина?
- Секоја позитивна или негативна критика е добредојдена.
* На кој дизајнер би му дозволиле да ти го преуреди гардероберот?
- Викторија Бекам.
* Што облекувате денски, а што навечер?
- Во зависност од обврските и расположението. Секако сметам дека треба да постои разлика помеѓу дневен и вечерен „outfit“.
* Дали експериметирате со косата и шминката?
- Не многу, тоа е дел од мојот стил по кој сум препознатлива.
* Ваши трикови за брз, но ефектен изглед.
- Црна боја, црвен кармин и нема грешка!
Фото: Приватна архива
