Сите се среќни кога влегуваат во брак, но што се случува после венчање?
Еве што вели жената која поминала 12 години брак, Олга Рибакина, а пренесува сајтот Bright Side. Може многу да се научи од неа.
Таа вели дека нејзиниот брак не се разликува многу од другите бракови: животот ѝ е исполнет со љубов, но и страдање. Имало моменти кога се прашувала дали да остане во брак, имало интензивни несогласувања во одредени периоди, недоразбирања и повредувања.
Сепак, после 12 години таа и понатаму е во брак, а ова се лекциите кои ќе ги понесе со себе.
Страста ќе исчезне
„Луди“ емоции, страдање, солзи, и „опсесија“ со партнерот, кои можат да бидат дел од заљубеноста, сигурно поминуваат. Врската треба да биде таква во неа да се чувствуваме добро. Стабилна и мирна. Од неа се очекува топлина и љубов. Ако не знаете што ве очекува следниот ден, тоа не е добро.
Брачниот живот не е журка
„Среќни до крајот на животот“ го крие фактот дека ќе има болести, лоши чувства, умор и стрес, лутења и навреди во врската. Прашање е само како парот ќе се избори со препреките.
Парот треба да биде на иста општествена листа
Фактот дека браковите, во кои партнерите не се на иста општествена листа, завршуваат со развод. Љубовта може да ги приближи и спои луѓето, но кога почетниот ентузијазам падне, се појавуваат „непремостливи разлики“ како што е несоодветен менталитет, ставови кон животот и парите …Не се обидувајте да глумите бајка.
Партнерите треба да се развиваат заедно
Факт е дека луѓето со време се менуваат. Различни ситуации не обликуваат, учиме, напредуваме, се менуваме…Ако партнерите тоа не го прават барем приближно синхронизирано, бракот веројатно нема да опстане.
Мора да се прифатите еден со друг
Можеби ве нервираат некои навики на вашиот партнер, и можеби не се сложувате во некои погледи, но во суштина, мора да ги прифатите со сите нивни маани. Мора да му дозволите на својот партнер да биде она што е. Секако, можете да го охрабрувате да оди во добра насока, но тоа би требало да биде опција, а не услов.
Жената не би требало себеси да се става на второ место, зад децата и мажот
Прво наоѓам време за себе, а потоа за мажот и децата. Жената која се жртвува поради други, набрзо ќе се почувствува незадоволна „одвнатре“. Бракот не значи (само)жртвување ниту треба да биде пречка да бидете независна и интересна личност.
Мора да сакате да бидете со својот партнер, но тој/таа исто така би требало да биде слободен/на
Во изминатите неколку години, живеев спрема овој принцип. Не се плашам дека мојот маж ќе ме напушти, бидејќи има право да ја пронајде својата вистинска среќа. За мене, тоа е нормално. Важно е за вас да не постои катастрофална работа која не можете да ја надминете. Време е да ги симнете розевите наочари и да разберете дека која било личност може да замине во кој било момент.
Секоја страна може да има свои интереси и желби
Секој треба да има свој личен простор и време за себе. Тоа би требало да биде аксиом за секоја врска. На пример, „моето“ време вклучува вежби, јога, читање, додека мојот маж сака да посетува пријатели.
Дефинитивно би требало да имате миленици
Тие се извор на бескрајна радост и уживање.
Би требало да имате слични температури
Ако еден партнер пука од енергија и не може да се смири додека не ги заврши сите работи, а другиот едвај со прст мрдне, шансите да опстои бракот се мали.
Страстен секс не е најважна работа
По 12 години брак, не секогаш е можно да имате страстен секс и романса како првиот ден. Работите се смируваат после три години „заедништво“. За да имате силни чувства еден спрема друг, како и желба, би требало да се разбирате и сакате. Интимноста исто така е важна, и треба да биде заемна.
Запамтете, во „нормални“ врски каде постои љубов, дури и сексот може да биде помалку важен. Тоа веќе не е најважна работа на светот, и тоа не е проблем.
Одлуките треба да бидат заеднички
Се однесува на големи, клучни одлуки, оние кои влијаат на животот на двајцата. Како да го одгледате вашето дете, каде да одите на одмор, кој автомобил да го купите…
Најважна работа која може да осигури долгорочен брак е желбата да се постигнат компромиси, да се сослуша и чуе партнерот, да се остави простор да го поминете времето онака како што сакате. Целиот семеен живот е комбинација од љубов, доверба, обострана поддршка, трпение и силна волја. Редоследот по важност на овие работи може да се менува на секои неколку години.
