Сите сме слушнале колку е важно како мајката се храни за време на бременоста, како и што нејзината исхрана значи за здравјето на нејзиното бебе. Новото истражување покажува дека хранењето на мажот уште во периодот пред зачнување на детето има огромна улога за здравјето на наследникот на долг рок. Научниците од Универзитетот во Синсинати (САД) стигнуваа до заклучок дека улогата на исхраната на мајката како главен извор на нутриенти за ембрионот е неоспорна во бременоста. Малку познат сепак е фактот дека и методот на исхрана на идниот татко влијае врз здравјето на бебето, и тоа уште од периодот пред тоа да е зачнато.
Ова откритие докажува дека влијанието на таткото врз состојбата на бебето се протега надвор од чисто генетски преносливи лузни. Научниците на Универзитетот во Синсинати можат да развијат специјална диета за мажите кои сакаат да станат татковци на здрави деца. Ова е дополнување на теоријата за улогата на исхраната во репродуктивниот капацитет на човекот.
Научниците препорачуваат идни татковци да го зголемат внесот на протеини, додека ја намалуваат потрошувачката на јаглени хидрати. Токму балансот помеѓу овие 2 основни типа хранливи материи има голема улога врз енергетскиот баланс на телото, а оттаму и врз плодноста на мажот.
Специјалистите дополнуваат уште дека мажите кои планираат да станат татковци, треба на менито да имаат риба, посно месо, ореви, свежо овошје и зеленчук. Неопходно е да се минимизираат јаглени хидрати, особено оние што доаѓаат од слатка храна. На долгорочен аспект сличен режим на исхрана доставува сеопфатен позитивен ефект врз здравјето на мажот и доведува до нормализирање на хормоналниот баланс, кој влијае непосредно врз сперматогенезата и врз одржливоста на сперматозоидите.
Пожелно е овој режим на исхрана да се почитува барем 3 месеци пред зачнувањето на бебе, дополнуваат уште авторите на студијата.
