12 ВИДЕОПРИКАЗНИ СО ИДОЛИТЕ НА ХАЛКИ
Тие се талентирани, успешни и инспиративни. Станува збор за дванаесет деца и млади кои ќе бидат главни ликови во серијалот видеоприказни „Идолите на Халки“. Ценејќи ги важноста на квалитетно образование, креативноста и посветеноста како трајни вредности, Халкбанк АД Скопје го стартува проектот преку кој ќе се раскажат приказните на децата кои треба да бидат вистински идоли на нивните врсници, но и на возрасните.
Преку оваа активност Халкбанк АД Скопје останува целосно посветена на својата основна стратегија, изградена врз мотото „Важни се луѓето“. Заложбите на банката остануваат непроменети, а тоа е секогаш да биде на страната на луѓето, на клиентите и на заедницата. Тоа се рефлектира преку активности кои значат силна поддршка на сегменти клучни за здраво и стабилно општеството.
Градењето трајни вредности е дел од нашата корпоративна свест како банка, да ги пронајдеме и поддржиме луѓето, настаните или местата кои значат искачување по тие вредносни вертикали. Среќни сме што нашата девиза „Важни се луѓето“ овој пат се поврзува со децата. Пред нашите клиенти, пријатели, но и пошироката јавност ќе претставиме 12 деца и млади кои со својот талент поттикнуваат размислувања, воодушевувања и силно мотивираат. „Идолите на Халки“ низ видеоприказни ќе влезе во секојдневието на овие таленти, со цел да влијае мотивирачки на новите генерации – вели Маја Наумовска-Савеска од „Халкбанк“.
Серијалот „Идолите на Халки“ патува низ цела Македонија и се среќава со децата кои имаат дарба, таленти и хобија на кои се целосно посветени. Зад реализацијата на проектот стои авторскиот тим на порталот Умно.мк од каде што велат:
-Од самиот почеток на нашиот портал се трудиме да третираме прашања и теми за кои поретко има простор или минутажа во македонскиот медиумски простор - уметност, наука, образование. Среќни сме што и овој пат нашиот труд е препознаен и што сме медиумот што ги открива/раскажува приказните за малите, а големи идоли. Тие се најсилниот темел на општеството и културата за какви што се залагаме – велат од Умно.мк
