13 работи за кои богатите никогаш не би дале пари, а ние подигнуваме кредити: Колку посиромашни, толку повеќе фрламе пари!

Богатите луѓе не би биле богати доколку не биле рационални

Кога велиме богатство, обично помислуваме на бунди, луксузен накит, скапи часовници... Сиромашните и луѓето со просечни примања се способни да заштедат пари за вакви работи со години, некои се спремни и да земат кредит, одат во минус на картичка за да си ги дозволат тоа.

Но, богатите луѓе навистина не го покажуваат својот статус на овој начин!

Многу луѓе никако да сфатат дека следните ставки воопшто не се одраз на богатите, туку на новопечените богаташи. Згора на тоа, богатите луѓе никогаш не би дале пари за ова!

1. Златен накит

Богатите и модерните жени носат златен накит умерено. Најважен им е квалитетот на накитот и се одлучуваат за дискретни парчиња. За луѓето со просечни примања, купувањето златен накит може да се смета за инвестиција, па наместо мантрата „Носам најскапо и најдобро што можам“, одлучете се за фини, модерни парчиња накит со пристапна цена, кои исто така изгледаат феноменално.

2. Облека и обувки од скапи брендови

Повеќето богати во плакарот чуваат сосема „обични“, класични парчиња, како класични фармерки, кошули или едноставни џемпери.Бил Гејтс, на пример, носи часовник од 10 долари, иако има пари да си дозволи што сака. Наместо да купуваат ткаенини со познати потписи, богатите луѓе претпочитаат да уживаат во истражувањето на другите задоволства што ги нуди животот, како што се патувањата и забавата. Тоа им значи многу повеќе од брендирана чанта или фустан.

3. Пластична хирургија

Овој вид на разубавување е доста популарен во целиот свет. Кога првпат се појави, сите сакаа да имаат совршено тело и лице без никакви маани. И додека претежно жени со просечни примања се откажуваат од се‘ и сешто за да стават силикони во усните или слично, богатите жени најмногу негуваат природен изглед.

4. Капути со крзно и бунди

Познатите дизајнери и нивните богати клиенти одбиваат да носат крзно, пред се од етички причини. Сепак, многу дами и понатаму ги сметаат капутите од крзно и бундите за знак на луксуз, па се одлучуваат за евтини варијанти на вештачко крзно, кои често изгледаат како се, но не како луксуз.

5. Патување во бизнис класа

Богатите луѓе не би биле богати доколку не биле рационални. А нивната рационалност налага да патуваат нормално, дури и ако имаат пари да си го дозволат секој можен луксуз. На пример, основачот на Икеа, Ингвар Кампрад, смета дека ова е целосно непотребно трошење, па сите вработени во неговата компанија, вклучително и тој, патуваат во економска класа и престојуваат во хотели со просечна цена.

Од друга страна, луѓето со просечни примања се подготвени да преплаќаат за патувања во бизнис класата, а благодарение на нив авиокомпаниите можат да одржат поевтина цена на билетот за економска класа.

6. Најсовремени апарати за домаќинство

Богатите не се „опседнати“ со тоа што мора да ги имаат најновите модели на апарати за домаќинство. Ако оние што веќе ги поседуваат продолжат да работат правилно, богатите луѓе не гледаат потреба да ги менуваат. Ова правило постојано го прекршуваат луѓето со умерени примања.

Ова се однесува и на потребата да се имаат сите апарати, колку и да се непотребни, како што се апаратче за варење јајца, електрични цедилки, апарат за палачинки, леб... Најлошо од сè, повеќето луѓе ги користат овие апарати најмногу двапати во годината, а најмногу го користат традиционалниот шпорет, додека скапите апарати остануваат да „собират прашина“.

7. Премногу детали, украси, фигури

Минимализмот е она кон што се придржува секој богат и успешен човек кога е во прашање домот. Тие претпочитаат едноставност во внатрешноста и не сакаат да губат време во изборот и купувањето мебел. Тие претпочитаат да го поминуваат тоа време со семејството, пријателите или да работат на нови бизнис идеи.

За разлика од тоа, „средната класа“ сака да го исполни домот со тренди парчиња мебел и многу детали. Тие постојано сакаат да ја „поправаат“ својата внатрешност, крадејќи од себе време да се посветат на многу поважни, нематеријални работи.

8. Голема куќа

Богатите луѓе чекаат прилика да купат убав имот за малку пари, а потоа да заработат пари на него кога неговата цена ќе скокне. На пример, милијардерот Ворен Бафет сè уште живее во не толку голема куќа што ја купил во 1958 година. За таа куќа во Небраска платил околу 30.000 долари, додека сега вреди дури 650.000!

Со луѓе кои градат или купуваат куќи со 13 бањи и слично, нешто дефинитивно не е во ред, вели професорот Дејвид Чаритон од Универзитетот Стенфорд

Од друга страна, луѓето кои припаѓаат на средната класа обично ја почитуваат старата изрека: Секој човек треба да засади дрво, да изгради куќа и да има дете. Така, изградбата на таа куќа го зазема центарот на нивниот живот, кој често трае додека не пораснат децата, токму поради просечните примања. На крајот, тие поминуваат половина од својот живот градејќи ја куќата од соништата...

9. Луксузни автомобили

Денес, богатите луѓе нема да го дадат целото свое богатство на нови луксузни автомобили, доколку тие што веќе ги поседуваат ги задоволуваат сите нивни потреби. Основачот на Фејсбук, Марк Цукерберг вози просечен автомобил со рачен менувач и вели дека никогаш не се грижел дали неговиот автомобил изгледа скап.

Сепак, многу луѓе ширум светот веруваат дека скапите автомобили се нешто што ќе им донесе самодоверба и почит кон околината, па на крајот мора да се откажат од многу други работи за да ги вратат кредитите за своите нови автомобили.

10. Скапо образование

На милионерите им е јасно дека бесплатното образование не се разликува многу од скапото, бидејќи успехот во животот не се постигнува со тоа, туку со дисциплина, одлучност и посветена работа. На крајот на краиштата, денес работодавците многу повеќе ги ценат практичните вештини и знаења отколку дипломата.

11. Безброј играчки за деца

Успешните и богати луѓе со текот на времето сфатија дека купувањето премногу играчки може само да им наштети на децата. Ова е потврдено со научни истражувања. Тие претпочитаат нивните деца да поминуваат повеќе време со нив, наместо со играчки, што научно докажано ги поттикнува децата побрзо да развиваат различни вештини.

Во домовите на луѓето со просечни примања, децата практично се преплавени со играчки, кои ја „изеле“ собата. Денешните деца немаат време за замислување и желба поради ова, бидејќи желбите им се исполнуваат пребрзо, а родителите со насмевка на лицето остануваат со празен паричник.

12. Обуки и курсеви

Богатите успешни луѓе знаат дека за вистински и долгорочен успех потребно е постојано да се усовршувате, учите и работите на себе, па затоа не даваат многу пари за кратки курсеви. Од друга страна, средната класа се стреми да најде некоја „волшебна таблета“ која целосно ќе им го промени животот. Кога едното „не работи“, тие го бараат другото. И така тие завршуваат со еден куп дипломи во домот кои на крајот не служат за ништо.

13. Убавина

Иако неутралната боја и незабележливата должина на ноктите покажуваат софистицираност и се најчестиот избор на богатите жени, дамите со просечни примања се подготвени секој месец да даваат илјадници денари за екстремно долги и премногу впечатливи нокти.

Извор: Стил.курир

Фото: Инстаграм - Бил Гејтс - Марк Цукенберг