5 лековити чаеви кои го смируваат желудникот: Против мачнини, надуеност и грчеви

Ако чувствувате болка и гадење во желудникот, и сакате да посегнете по природен лек што можете брзо и лесно да го подготвите дома,тоа е дефинитивно чај. 

Нарушувања во желудникот, како што се грчеви, гасови и надуеност, се еден од најчестите здравствени проблеми кај многу луѓе.

Можни причини за гадење и болка во желудникот се: лекови, хемотерапија,  гастроинтестинални нарушувања, стрес, вознемиреност, депресија, утринска мачнина / бременост, нарушувања на тироидната жлезда.

Подолу ви донесуваме природни решенија кои ги ублажуваат овие симптоми.

Чај од ѓумбир

Ѓумбирот го релаксира дигестивниот тракт и дозволува храната непречено да поминува низ него, без задржување. Го стимулира варењето и ја смирува непријатноста во стомакот, како и гадењето.

Познато е дека ѓумбирот има антиинфламаторни својства, го зајакнува имунитетот и помага во детоксикација на црниот дроб.

Неговите својства можат да помогнат да се намали чувството на гадење за време на бременоста и хемотерапијата.

Чај од нане

Нането е особено ефикасно во лекување на дигестивни нарушувања.

Есенцијалното масло од нане има релаксирачки ефект врз желудникот и цревата и го стимулира лачењето на жолчката. Ги намалува грчевите, ги ублажува гадењето и непријатноста и ослободува гасови.

Пријатниот мирис на чај го смирува нервниот систем.

Исто така, нането е популарна алтернатива за третман на синдром на нервозно дебело црево (IBS), цревно нарушување што предизвикува болка во стомакот, надуеност и неправилни движења на дебелото црево.

Чај од камилица

Благ ефект на камилица го смирува стомакот и го олеснува варењето на храната. Ќе ве ослободи од вишокот гасови и ќе го намали воспалението на слузницата на желудникот. Лекува разни гастроинтестинални нарушувања, вклучувајќи надуеност, варење, пролив, анорексија, гадење, болка и повраќање.

Чај од анасон

Анасон има многу одличен ефект во третманот на стомачни и цревни проблеми. Чајот од анасон ја намалува подуеноста, ги смирува грчевите во желудникот и цревата и ја ублажува гадењето.

Анасон ги опушта мускулите на дигестивниот тракт.

Чај од корен од сладунец

Чајот од коренот на сладунец најчесто се користи како лек за желудникот, а неговата голема моќ лежи во смирување на симптомите на гадење.