5 Манго фустани за сечиј џеб и вкус: Идеални за предновогодишни забави
Следуваат уште последите десет дена од оваа 2018-та година. Веќе насекаде се чувствува празничната еуфорија со многуте подготовки за супер изглед за важните настани кои надоаѓаат. Сигурно ќе имате предновогодишна забава со колегите од работа или пак луда журка со најверните пријатели. Затоа е и сигурно дека се двоумите што да облечете.
Ако сте „фан“ на фустани и сакате да изгледате убаво, но и да се чувствувате удобно, од богатата понуда на Манго, избравме 5 едноставни фустани кои буквално се достапни за сечиј џеб. Најдобро е што може да ги носите за безброј пригоди.
1. Краток фустан со ситен црно бел дезен кој совршено ја истакнува женската линија. Има асиметричен преклоп на средината, а е идеален избор доколку носите високи потпетици.
2. Ситниот дезен на овој миди фустан носи одличен визуелен ефект. Повторно станува збор за асиметричен преклоп, кој се врзува позади. Доволни се обувки во различна боја, како црвената и одличниот шик изглед е загарантиран.
3. Колку само би биле поразлични и би се чувствувале удобно доколку за предновогодишна забава изберете едноставен црнобел кошула-фустан. Тоа е тренд на сезоната, кој е едноставен за комбинирање, а кој сигурно ќе го носите и за многу други прилики.
4. Ова е еден од нашите фаворити. Фустанче кое повторно има асиметричен преден дел со многу копчиња и ремен на средината. Сивата боја надополнета со дезен од квадрати во бела боја, како и пристојното деколте дваат еден елегантен, но во исто време и необичен изглед. Ова е фустан кој може да се комбинира и со чизми и со високи потпетици.
5. Полка дот фустаните се едни од омилените на војвотките од кралското семејство, но и на многу трендсетерки во светот. Асиметричниот преден дел со копчиња е дел и од овој црн фустан со бели точки, а неговата миди должина е идеална за сите префинети дами.
Можеби ќе ве интересира
