Илјадници луѓе сакаат да го посвојат бебето кое се родило под урнатините во северозападна Сирија, а чија мајка починала по породувањето.

Бебето останало сирак, а починале и други членови од нејзиното потесно семејство. Кога го пронашле, новороденото девојче сè уште било приврзано за нејзината мајка преку папочната врвца. Откако била спасена, ѝ го дале името Аја, што на арапски значи чудо, пишува турски ТРТ.

Малата Аја сега е во болница и е во стабилна состојба, јавува Би-Би-Си.

Снимката од спасувањето на Аја беше широко распространета на социјалните мрежи. На снимката се гледа како маж извлекува бебе покриено со прашина од урнатините.

‘Mucizeyi’ dünya istiyor.

Suriye’de enkazda dünyaya gelen ve annesi ölen bebeği dünyanın dört bir yanından binlerce kişi evlat edinmek istiyor.https://t.co/rPzy0XJYEs pic.twitter.com/RoIbQAQjrs

— TRT HABER (@trthaber) February 10, 2023

„Кога пристигна во понеделникот, таа беше во лоша форма, со модринки, имаше ниска температура и имаше проблеми со дишењето“, рече Хани Маруф, педијатар кој се грижи за неа во болницата во Африн, каде што беше донесена од далечен роднина.

Директорот на болницата Калид Атијах вели дека добил десетици повици од луѓе ширум светот кои сакаат да ја посвојат Аја.

Но, Атијах, која има четиримесечна ќерка, вели дека сè уште нема да дозволи некој да ја посвои.

„Додека не се појави нејзиното пошироко семејство, јас ќе ја гледам и чувам како своето дете“, рече докторот.

Во моментов, неговата сопруга го дои бебето Аја заедно со нивната ќерка.

Во родниот град на Аја, Џиндаџирис, луѓето сѐ уште трагаат под урнатините по своите најблиски.

„Ситуацијата е катастрофална. Толку многу луѓе се под урнатините. Сѐ уште има такви кои не се извлечени“, изјави еден новинар за Би-Би-Си.

Според неговите проценки, уништени се 90 отсто од градот, а најголем дел од помошта доаѓа од локалното население.

Фото: Твитер screenshot