Бебињата не треба да имаат цуцла во уста додека се надвор на ладно: Причината е едноставна

Секојдневното излегување надвор е важно за градење и зајакнување на имунитетот на вашето бебе, а ниските температури не значат дека треба да останете внатре.

Сепак, потребна е претпазливост, особено кога станува збор за бебињата, бидејќи децата до две години се повеќе склони кон хипотермија и нивните тела полесно ја губат топлината, па треба да ги облекувате слоевито во памучна облека и да ги покриете, бидејќи им е поладно.

Треба да се има на ум дека секојдневната прошетка не значи престој во трговски центри, а за првите излегувања со бебето во зима доволно е и до половина час кој со текот на времето постепено ќе го продолжувате.


Децата постари од две или три години можат да излезат надвор повеќе од еден час доколку се физички активни.

На бебињата често им тече носот во зима, што е нормална реакција на студениот воздух, а бидејќи често се лигават, неопходно е да се избрише пределот околу усните за да не се оштети влажната кожа.

Од истата причина, подобро би било бебето да нема цуцла во устата, бидејќи под неа се собира плунка.

Бебињата мора да имаат капа додека се надвор, бидејќи 25 проценти од телесната топлина се губи преку главата, но тоа не значи дека мора да бидат со преоблечени дури и во затворени простории.

Ова може да го оштети системот за терморегулација, па на детето подоцна ќе му биде ладно и ќе биде склоно кон настинки. Постарите деца кои скокаат и трчаат треба да носат еден слој облека помалку бидејќи ќе се испотат, а облеката треба да им биде водоотпорна. 

Извор: zena.blic.rs

Фото: Instagram/ @rachshredgnar