Ја фрли Доха на колена: Адријана Лима во персонификација на моќна принцеза во гламурозен фустан

Една од гостите на престижната церемонија на доделување на наградите Fashion Trust Arabia беше бразилската манекенка Адријана Лима. Оваа дама беше ѕвезда на вечерта, а пленеше со својата беспрекорна елеганција и едноставност.

Адријана блесна во неверојатно прекрасна црна креација со потпис на познатиот дизајнер Зухаир Мурад. 

Овој впечатлив, долг тоалет е украсен со невообичаено долги ракави, како и прекрасни детали од светки, бисери и циркони во пределот на деколтето. 40-годишната дама сè надополни со ефективни висечки обетки, а со врзувањето на косата во ниско опавче го истакна своето убаво лице.

Инаку, Лима беше придружувана од нејзиниот партнер Андре Лемерс, од кој манекенката практично не се разделуваше во последните месеци... Ретки се настаните каде што Лемерс не ја следеше, а изгледа дека Адријана ужива во неговото внимание, барем насмевките велат така. 

За Лемерс не се знае многу освен дека е продуцент од Лос Анџелес и дека има 40 години, а ниту еден од нив не кажал ништо за неговиот однос со медиумите. Меѓутоа, во една прилика една убавата бринета напиша на Инстаграм: „Најзгодниот, најпаметниот и најнежниот маж што сум го сретнала“. 

Не е познато колку долго парот е заедно, но тие првпат се појавија во јавноста на филмскиот фестивал во Венеција во септември оваа година. 

Да потсетиме, Адријана на нашите простори го носи прекарот „српска снаа“ бидејќи од 2009 до 2016 година беше во брак со познатиот кошаркар Марко Јариќ, а парот остана во добри односи и по разводот, пред се поради воспитувањето на нивните ќерки - Валентина и Сиена.

Фото: Профимедиа/Инстаграм/Адријана Лима