Black Friday не е само еден петок: големи попусти на облека цел месец

Добивај вести на Viber

Некои онлајн продавници веќе ги најавија попустите за Black Friday кои ќе траат цел месец, што е доволно за да направите план како најдобро да си го организирате времето.

Многу потрошувачи за време на Black Friday се фокусираат на електроника, бела техника и на разни гаџети, но не треба да се заборави дека на овој мега-шопинг настан можете и да се опремите со одлични парчиња облека, кои инаку се многу поскапи надвор од сезоната на попусти.

Доколку ви треба нова облека или, едноставно, сакате да го обновите гардероберот со свежи модни парчиња, овој Black Friday имате можност да го подновите и разубавите вашиот стил.

Што да купите овој Black Friday?

Температурите паѓаат, па парчиња што со сигурност ви се неопходни се дебела зимска јакна и топли обувки. Одберете јакна од квалитетни материјали со дизајн што сакате да го носите. Важно е да се чувствувате удобно во моделот што ќе го одберете и, секако, да одберете модел што ќе биде изработен од квалитетни материјали.

Побарајте брендови кои гарантираат квалитет и разгледајте ги нивните попусти за Black Friday. Зимските јакни, ски-јакните, капутите и мантилите често имаат висока цена, па Black Friday e совршена можност да купите јакна по многу пониска цена.

Во студените зимски денови ви се потребни топли и удобни обувки што ќе сакате да ги носите и добро да ги комбинирате со другата гардероба. Без разлика дали барате планинарски чизми за хајкинг авантури или тренди чизми на високи потпетици, попустите ќе ви овозможат да заштедите значителна сума пари додека ја надополнувате вашата колекција обувки.

Ако преферирате дизајнерска облека, редовно ги следите трендовите и сакате да имате луксузни парчиња облека, на Black Friday ќе имате можност на попуст да најдете некои уникатни и посебни парчиња облека од кои застанува здив.

Исто така, не заборавајте овој Black Friday да ги разгледате и останатите парчиња гардероба, како обични маици, кошули и фармерки, кои ќе ви помогнат подобро да ја комбинирате вашата гардероба.

Доколку сте родител, на Black Friday ќе најдете и одлични попусти на детска облека и опрема, па ќе можете вашето малечко да го опремите со нова јакна, пижами, играчки или ново автомобилско седиште. 

Како да ги искористите попустите до максимум?

За време на Black Friday настанува вистински хаос, па без разлика дали купувате во трговските центри или онлајн, многу лесно и брзо може да се загубите во големата понуда и да ги потрошите парите на производи што не ви се толку потребни.

Место да влезете во продавница за облека и да го купите првото парче облека што ќе ви фати око – испланирајте однапред. Направете листа на алишта што ви требаат или сакате да ги замените и одредете буџет за секое од нив.

Ова ќе ви помогне да не донесете импулсивни одлуки при купувањето и да ги инвестирате вашите пари во оние парчиња облека што навистина ви се потребни и со кои ќе направите забележлива промена во стилот.

При шопингот, споредувајте ги цените и не задоволувајте се со првата зделка на која ќе наидете. Споредете ги цените од различните продавници за да се уверите дека го добивате најдобриот можен попуст.

Нашиот последен совет за Black Friday е да ги избегнете гужвите и да ја погледнете онлајн понудата. Освен што ќе купувате од удобноста на вашиот дом, ќе заштедите време и пари, онлајн ќе најдете и многу поголем избор облека и дизајнерска гардероба.