Брижит Макрон и Олена Зеленска со моќни комбинации покажаа како деновите на досадни костими се минато
Брижит Макрон и Олена Зеленска се сретнаа срдечно во Париз. Првите дами очигледно делат многу сличен моден стил. Со својот впечатлив изглед покажаа како деловните модни комбинации можат навистина да бидат возбудливи и стилски дотерани. Ако ги прашате Брижит и Олена, деновите на здодевни костуми и одела се минато.
Брижит Макрон во Париз ја прими Олена Зеленска, сопругата на украинскиот претседател Володимир Зеленски. Двете први дами се сретнаа на скалите пред Елисејската палата, а нивната исклучително срдечна средба беше проследена со насмевки, прегратки и држење за рака. Брижит Макрон и Олена Зеленска веќе се сретнаа во Њујорк минатиот септември за време на Генералното собрание на ОН, а сега ова е прва посета на Олена на Франција од почетокот на војната во Украина во февруари минатата година.
Инаку, украинската прва дама е многу активна на социјалните мрежи, каде што ги едуцира своите следбеници за приказните на Украинците погодени од конфликтот. Така таа во март годинава и се заблагодари на Брижит Макрон за нејзината посветеност во олеснувањето на пристигнувањето на младите бегалци во француските болници.
Според зборовите на Олена Зеленска, Брижит Макрон е „меѓу првите што испрати зборови на поддршка. И тоа не беа само зборови, туку и дела, вистинска поддршка од пријателите. Оттогаш, првите дами постојано се во контакт, па срдечноста на нивната средба не изненадува. За време на посетата на Франција, планирано е двете први дами да посетат и едно париско училиште кое прифаќа бегалци.
За време на таа средба и двете дами покажаа многу беспрекорно елегантни комбинации, неодоливо комбинирајќи ја класиката со модерните детали. Така сопругата на францускиот претседател Емануел Макрон воодушеви со уште една деловна комбинација која вклучуваше здолниште и сако-блуза со црно-бел дезен кој никогаш не излегува од мода. Брижит го освежи класичниот и безвременски сет со златни копчиња на шлицот на здолништето, а класичната јакна ја замени со блуза од истиот материјал украсена со копчиња на рамото. Комбинацијата ја заокружи со темни чорапи и вечните црни чизми до глужд, парче кое често ги комплетира нејзините стајлинзи.
Се чини дека овие две први дами не ги поврзува само политиката и истите цели, туку и модниот израз. Така Олена посегна за класика освежена со впечатливи детали. Темниот костум кој е моден избор кој секогаш остава силен и моќен впечаток беше прикажан во многу интересно издание. Панталоните ги спои со класичен и директен крој со сако-блуза која суптилно го истакнуваше струкот, а навистина впечатлив детаљ беше дел од материјалот кроен како наметка што паѓаше преку едното рамо.
Инаку, далеку од нејзиниот сопруг во овие воени времиња, Олена Зеленска е многу присутна на меѓународната сцена. Така, на пример, на крајот на ноември во Лондон, ја запознала сопругата на кралот Чарлс III, Камила.
ФОТО: Инстаграм/ЕПА
