Брена не старее: Се појави во патики и тесни фармерки на Hermès, а на оваа фигура сите може да и позавидат

Добивај вести на Viber

Лепа Брена со децении важи за една од најстилските дами на домашната забава, а нејзините модни изданија секогаш привлекуваат внимание. Иако сме навикнати да ја гледаме во гламурозни фустани и сценски костими, пејачката докажува дека стилот не познава години дури и во секојдневните комбинации. Неодамна таа беше фотографирана во едноставно, но впечатливо издание - темни тесни фармерки кои ја истакнуваат нејзината витка линија, црна јакна и луксузни патики на Hermès вредни околу 1.400 евра.

Но, не е сè до облеката – витката линија и младешката енергија на Брена се резултат на дисциплина и внимателно обмислен начин на живот. Малку е познато дека пејачката пред неколку години ослабела дури 17 килограми, благодарение на посебните принципи на исхрана кои сè уште ги практикува.

Тајната на Брена за витка линија е балансирана исхрана и физичка активност

Брена е позната по тоа што се грижи за своето тело, а еден од клучните фактори за нејзината форма е исхраната. Пејачката го отфрли белиот леб, тестенините и пржената храна и наместо тоа се фокусираше на зеленчук, риба и здрави извори на протеини. Еден од триковите кои и помагаат да остане во форма е повремената детоксикација, при што таа јаде само зеленчук за појадок, ручек и вечера.

„Четири дена јадев само зеленчук за појадок, ручек и вечера. Се чувствував одлично, имав многу енергија", рекла таа еднаш.

Покрај повремената детоксикација, таа еднаш откри и како изгледа нејзината секојдневна рутина.

„Секој ден пијам многу вода, медитирам и вежбам. Ако можам да бидам активна на 61 година, тогаш секој може. Кога сум на патувања, се трудам да одам на плажа или базен и да пливам. Најважно е да не го занемариме телото, треба да го движиме секој ден", откри пејачката пред неколку години.

Покрај тоа, таа многу се грижи и за гласот, бидејќи како што вели пејачите треба да бидат особено внимателни.

„Не пушам затоа што ги уништува гласните жици. Понекогаш сакам да наздравувам со чаша вино со моите пријатели и тоа е се", додала таа.

Со овој ритам Брена успеа да наметне здрави навики и на остатокот од семејството.

„Нездравата храна за мене е минато. Масни производи не доаѓа предвид! Не јадам торти или колачиња и се чувствувам многу подобро. Готвам сè во вода, без капка масло. Успеав и Бобо да го навлече на здрава храна. Сега и нему му се допаѓа".

Покрај тоа што е во одлична форма, Брена продолжува да биде најдобра кога е модата во прашање. Нејзините модни комбинации често се спој на класични и модерни елементи - од елегантни костуми и лелеави панталони до лежерни комбинации како оваа. Таа во последно време често избира парчиња кои се и практични и ефективни, а во исто време ја отсликуваат нејзината личност.

Нејзиниот најнов стајлинг уште еднаш потврдува дека жената може да изгледа софистицирано во едноставна облека – фармерки кои ја следат линијата на телото, црн горен дел и патики Hermès кои додаваат допир на луксуз. Овој модел на патики, покрај супериорниот дизајн, е познат и по својата удобност, па не е изненадување што тие се изборот на Брена.