Д-р Кон за аларматната состојба со Ковид-19: Има само една вистинска порака и заштита

Ставот на СЗО на почетокот на пандемијата беше дека има смисла маската да ја користи само заразеното лице

Епидемиологот д-р Предраг Кон, член на Кризниот штаб за борба против коронавирусот во соседна Србија, на Фејсбук напиша дека промената на ставовите за маските е последица на најновото истражување и посочи дека ако секој носи маска и држи дистанца - заштитата од коронавирус е 99 проценти.

- Промената на ставовите за маските се последица на најновото истражување, а особено недвосмислените разлики во успехот на контролата на пандемијата каде маските се широко користени во однос на земјите каде не се користат. Ставот на СЗО на почетокот на пандемијата беше дека има смисла маската да ја користи само заразеното лице, со цел да се спречи пренесувањето на инфекцијата. Денес се вели дека ако секој носи маски и држи дистанца, заштитата е близу 99%. Ако носи само еден, заштитата за него е околу 30% , ако другите не носат - напиша доктор Кон на Фејсбук.

Неколку часа пред овој статус, д-р Кон ги повика жителите на Белград да носат маски.

„Почитувани граѓани на Белград, грижете се за себе и за нашето здравје. НОСИТЕ МАСКИ! Да си помогнеме едни на други!“

Контроверзноста околу носењето маски не престанува ниту во Србија. Минатата недела, по седницата на Кризниот штаб за борба против Ковид-19, маските станаа задолжителни на отворено за кратко време. Еден час подоцна, владата рече дека тие се уште се препорака.

Во затворени простории во Србија, маските се задолжителни.

Србија е во третиот бран на коронавирус, а најтешка е состојбата во Белград, Крагуевац, Ваљево.


Фото: ATA Images